കോവിഡ് -19 പോസിറ്റീവ് ആയ ആളുമായി സമ്പര്‍ക്കം പുലര്‍ത്തിയതിനെത്തുടര്‍ന്ന് സ്വയം ക്വാറന്റൈനില്‍ പോകുകയാണെന്ന് ലോകാരോഗ്യ സംഘടന മേധാവി. തനിക്ക് രോഗലക്ഷണങ്ങളൊന്നുമില്ലെന്ന് ലോകാരോഗ്യ സംഘടന (ഡബ്ല്യുഎച്ച്‌ഒ) ഡയറക്ടര്‍ ജനറല്‍ ടെഡ്രോസ് അഥനോം ഗെബ്രിയേസസ് പറഞ്ഞു. അടുത്ത കുറച്ച്‌ ദിവസത്തിന് ക്വാറന്റൈനില്‍ ആയിരിക്കുമെന്നും അദ്ദേഹം പറഞ്ഞു.
‘കോവിഡിന് പോസിറ്റീവ് സ്ഥിരീകരിച്ച ഒരാളുടെ സമ്പര്‍ക്കം ഉണ്ടായിട്ടുണ്ട്. അസുഖ ലക്ഷണങ്ങളുമില്ലെങ്കിലും വരും ദിവസങ്ങളില്‍ @ഡബ്ല്യൂഎച്ച്‌ഒ പ്രോട്ടോക്കോളുകള്‍ക്ക് അനുസൃതമായി സ്വയം ക്വാറന്റൈന്‍ നടത്തുകയും വീട്ടില്‍ നിന്ന് ജോലി ചെയ്യുകയും ചെയ്യും. ഇത് വളരെ പ്രധാനമാണ് നാമെല്ലാവരും ആരോഗ്യ മാര്‍ഗ്ഗനിര്‍ദ്ദേശം പാലിക്കണം. ഇങ്ങനെയാണ് നമ്മള്‍ കോവിഡ് ട്രാന്‍സ്മിഷന്റെ ശൃംഖലകള്‍ തകര്‍ക്കുക, വൈറസിനെ അടിച്ചമര്‍ത്തുക, ആരോഗ്യ സംവിധാനങ്ങളെ സംരക്ഷിക്കുക, ‘ലോകാരോഗ്യ സംഘടനയുടെ തലവന്‍ ട്വീറ്റ് ചെയ്തു.
കൈകഴുകുക, മാസ്‌ക് ധരിക്കുക, അകലം പാലിക്കുക എന്നിവയില്‍ എല്ലാ വ്യക്തികളും ശ്രദ്ധാലുവായിരിക്കണമെന്ന് ലോകാരോഗ്യ സംഘടന എല്ലാവരോടും അഭ്യര്‍ത്ഥിക്കുന്നു.
Discussion about this post