ജമ്മു: നിയന്ത്രണ രേഖക്ക് സമീപം കണ്ട പാക് ഡ്രോൺ വെടിവെച്ചിട്ട് ഇന്ത്യൻ സൈന്യം. പൂഞ്ച് ജില്ലയിലെ മേന്ഥർ മേഖലക്ക് സമീപം ശനിയാഴ്ചയായിരുന്നു ഡ്രോൺ കണ്ടെത്തിയത്. സംഭവവുമായി ബന്ധപ്പെട്ട് സൈന്യം അന്വേഷണം ആരംഭിച്ചു.
ഡ്രോൺ കണ്ടെത്തിയ സ്ഥലത്തിന് സമീപ പ്രദേശങ്ങളായ ബസോനി, ധരാണ എന്നിവിടങ്ങളിൽ സൈന്യം ശക്തമായ തിരച്ചിൽ തുടരുകയാണ്. അതിർത്തിക്ക് സമീപത്തായി ഭീകരർക്ക് ആയുധം എത്തിക്കാനും മയക്കുമരുന്നുകൾ എത്തിക്കാനുമായി പാകിസ്ഥാൻ ഡ്രോണുകൾ വ്യാപകമായി ഉപയോഗിക്കാൻ തുടങ്ങിയത് അടുത്തിടെയാണ്.
ഭീകരർക്ക് നുഴഞ്ഞു കയറാനായി നിരീക്ഷണം നടത്താനാണ് ഡ്രോൺ അയച്ചത് എന്ന് സൈന്യം സംശയിക്കുന്നു. വെടിവെച്ചിട്ട ഡ്രോൺ ശാസ്ത്രീയ പരിശോധനക്ക് വിധേയമാക്കും. മേഖലയിൽ പഴുതടച്ച സുരക്ഷയൊരുക്കുമെന്നും സൈനിക വൃത്തങ്ങൾ അറിയിച്ചു.
Discussion about this post