വത്തിക്കാന്‍ സിറ്റി : യൂറോപ്പിലെ എല്ലാ കത്തോലിക്കാ ഇടവകകളും ഓരോ അഭയാര്‍ത്ഥി കുടുംബത്തെ ഏറ്റെടുക്കണമെന്ന് മാര്‍പാപ്പ ആഹ്വാനം ചെയ്തു. ഓരോ മത കൂട്ടായ്മകളും മഠങ്ങളും ദേവാലയങ്ങളും ഇത്തരത്തില്‍ പ്രവര്‍ത്തിക്കണം. കുടുംബങ്ങളെ ഏറ്റെടുത്ത് വത്തിക്കാനിലെ രണ്ട് ഇടവകകള്‍ മാതൃകയാകുമെന്നും പാപ്പ പറഞ്ഞു.
റോമിലെ സെന്റ് പീറ്റേഴ്‌സ് ചത്വരത്തിലെ ഞായറാഴ്ച പ്രാര്‍ത്ഥനയില്‍ സംസാരിക്കുകയായിരുന്നു ഫ്രാന്‍സിസ് മാര്‍പ്പാപ്പ. യുദ്ധത്തിന്റേയും വിശപ്പിന്റേയും ഇരകളായി കിടപ്പാടവും പുതിയ ജീവിതവും കൊതിയ്ക്കുന്ന ആയിരക്കണക്കിന് പേര്‍ക്ക് സ്ഥിരമായ പ്രതീക്ഷ നല്‍കാനാകണം. അന്ധനേയും കുരുടനേയും സുഖപ്പെടുത്തിയ കര്‍ത്താവിന്റെ കഥ പറഞ്ഞ പാപ്പ, നമ്മളുടെ ബധിരത്വവും സ്വയം ഉള്‍വലിയുന്ന നിശബ്ദതയും ഇല്ലാതാക്കണമെന്നും ആഹ്വാനം ചെയ്തു. അടഞ്ഞ ജീവിതം നയിക്കുന്നവരില്‍ ഒന്നും ചെയ്യാന്‍ ദൈവത്തിനാവില്ലെന്നും അദ്ദേഹം ഓര്‍മ്മിപ്പിച്ചു.
Discussion about this post