ഇന്ത്യയുടെ പ്രിയ ഗായിക ആശാ ഭോസ്‌ലെയ്ക്ക് ഇന്ന് 81-ാം ജന്‍മദിനം. ഇന്ത്യയുടെ വാനമ്പാടി ലതാ മങ്കേഷ്‌കറുടെ സഹോദരിയായ ആശ 1933 സെപ്തംബര്‍ എട്ടിനാണ് ജനിച്ചത്. ആയിരത്തിലധികം സിനിമകളിലായി 12,000ല്‍ അധികം പാട്ടുകള്‍ ആശ പാടിയിട്ടുണ്ട്. ആശാജി എന്ന പേരില്‍ ബോളിവുഡിന് പ്രിയങ്കരിയാണ് ആശ ഭോസ്‌ലെ. ഏറ്റവും അധികം ഗാനമാലപിച്ച ഗായിക എന്ന റെക്കോര്‍ഡും ആശാജിയുടെ പേരിലാണ്.
ഹിന്ദിക്ക് പുറമേ ഇരുപതിലധികം ഭാഷകളില്‍ പാടിയിട്ടുണ്ട്. ക്ലാസിക്കല്‍ ഗായകനും നാടക നടനുമായിരുന്ന ദീനനാഥ് മങ്കേഷ്‌കറുടെ മകളായി ജനിച്ച ആശ, കുടുംബത്തിന്റെ സംഗീത പാമ്പര്യം അതേപടി പേറുകയായിരുന്നു. മറാഠി ചിത്രത്തിനു വേണ്ടിയാണ് ആദ്യമായി ആശ സിനിമയില്‍ പാടിയത്. 1948ല്‍ ഹന്‍സ്‌രാജ് ബെഹലിന്റെ ചുനരിയാ എന്ന ചിത്രത്തിലെ സാവന്‍ ആയ എന്ന ഗാനമാണ് ആശ ആദ്യമായി പാടിയ ഹിന്ദി ഗാനം. 1949ല്‍ രാത് കി റാണിയില്‍ പാടിയതാണ് ആശയുടെ ആദ്യ സോളോ ഗാനം.
ബോളിവുഡിലെ പ്രശസ്ത സംഗീത സംവിധായകരായ ഒ.പി നയ്യാര്‍, ഖയ്യാം, രവി, എസ്.ഡി ബര്‍മന്‍, ആര്‍.ഡി ബര്‍മന്‍, ഇളയരാജ, എ.ആര്‍ റഹ്മാന്‍, ജയ്‌ദേവ്, ശങ്കര്‍ ജയ്കിഷന്‍, അനു മാലിക് തുടങ്ങിയവരുടെ എല്ലാം കീഴില്‍ ആശാജി പാടിയിട്ടുണ്ട്.
v
Discussion about this post