പതിറ്റാണ്ടിന്റെ താരം, ഐസിസി ടെസ്റ്റ് ടീമിന്റെ നായകൻ, ഗാരി സോബേഴ്സ് പുരസ്കാരം; ഒരേയൊരു കിംഗ് കോഹ്ലി

ദുബായ്: അന്താരാഷ്ട്ര ക്രിക്കറ്റ് കൗൺസിലിന്റെ പതിറ്റാണ്ടിലെ ഏറ്റവും മികച്ച ക്രിക്കറ്റ് താരമായി ഇന്ത്യൻ ക്യാപ്ടൻ വിരാട് കോഹ്ലി. മൂന്ന് ഫോർമാറ്റിലെയും ഏറ്റവും മികച്ച പ്രകടനം പരിഗണിച്ചാണ് കോഹ്ലിക്ക് പുരസ്കാരം നൽകുന്നത്. ഏകദിന ക്രിക്കറ്റിലെ ഏറ്റവും മികച്ച താരവും വിരാട് കോഹ്ലിയാണ്. ഇന്നലെ പുറത്തിറങ്ങിയ ഐസിസി പതിറ്റാണ്ടിന്റെ ടെസ്റ്റ് ടീമിന്റെ ക്യാപ്ടൻ സ്ഥാനവും കോഹ്ലിക്കാണ്. 2011 മുതൽ 2020 വരെയുള്ള പ്രകടനങ്ങളാണ് പുരസ്കാരങ്ങൾക്ക് പരിഗണിച്ചത്.

ട്വെന്റി 20 ക്രിക്കറ്റിലെ മികച്ച താരം അഫ്ഗാനിസ്ഥാൻ സ്പിന്നർ റാഷിദ് ഖാനും ടെസ്റ്റ് ക്രിക്കറ്റിലെ മികച്ച താരം ഓസ്ട്രേലിയയുടെ സ്റ്റീവൻ സ്മിത്തുമാണ്.

വെസ്റ്റ് ഇൻഡീസ് ക്രിക്കറ്റ് ഇതിഹാസം സർ ഗാരി സോബേഴ്സിന്റെ സ്മരണാർത്ഥം ഏർപ്പെടെത്തിയ ഗാരി സോബേഴ്സ് പുരസ്കാരവും വിരാട് കോഹ്ലി നേടി.

https://twitter.com/ICC/status/1343475630357282817?ref_src=twsrc%5Etfw%7Ctwcamp%5Etweetembed%7Ctwterm%5E1343475630357282817%7Ctwgr%5E%7Ctwcon%5Es1_&ref_url=https%3A%2F%2Fwww.asianetnews.com%2Fcricket-sports%2Ficc-awards-2020-virat-kohli-won-icc-mens-odi-cricketer-of-the-decade-qm1kai