കോട്ടയം: പ്രശസ്ത തിരക്കഥാകൃത്ത് ഷാജി പാണ്ഡവത്ത് അന്തരിച്ചു. 63 വയസായിരുന്നു. ഹൃദയ ശസ്ത്രക്രിയയ്ക്ക് ശേഷം വീട്ടിൽ വിശ്രമിക്കുന്നതിനിടെയുണ്ടായ വീഴ്ച്ചയെ തുടർന്ന് കോട്ടയത്തെ സ്വകാര്യ ആശുപത്രിയിൽ ചികിത്സയിലായിരുന്നു.
പ്രായിക്കര പാപ്പാൻ, ഗംഗോത്രി, കവചം, ആവണിക്കുന്നിലെ കിന്നരിപ്പൂക്കൾ എന്നീ സിനിമകളുടെ തിരക്കഥാകൃത്താണ്. ആദ്യ സംവിധാന സംരംഭമായ കാക്കത്തുരുത്ത് എന്ന ചിത്രം റിലീസിനായി തയ്യാറെടുക്കവെയാണ് അപ്രതീക്ഷിത വിയോഗം സംഭവിച്ചത്.
ഫ്രെയിം ടു ഫ്രെയിം ബാനറിൽ മധുസൂദനൻ മാവേലിക്കര നിർമ്മിക്കുന്ന കാക്കത്തുരുത്തിൽ സംവിധായകൻ വേണു ബി നായരാണ് കേന്ദ്ര കഥാപാത്രത്തെ അവതരിപ്പിച്ചത്. കാക്കത്തുരുത്ത് എന്ന തുരത്തും അവിടുത്തെ മനുഷ്യരുടെ ജീവിതവുമാണ് ചിത്രത്തിന്റെ പ്രമേയം.
Discussion about this post