‘ഒന്നും അവസാനിച്ചിട്ടില്ല, ഇതൊരു തുടക്കം മാത്രമാണ്​’; ശ്രീശാന്ത്​

മുംബൈ: ഏഴുവര്‍ഷത്തിന്​ ശേഷം ക്രിക്കറ്റ്​ ഗ്രൗണ്ടില്‍ മടങ്ങിയെത്തിയതിന് പിന്നാലെ ആരാധകർക്ക് നന്ദി അറിയിച്ച് മലയാളികളുടെ സ്വന്തം ശ്രീശാന്ത്.​ പുതുച്ചേരിക്കെതിരെ വിക്കറ്റ്​ നേട്ടവുമായി വരവറിയിച്ചിരുന്നു. പുതുച്ചേരി ബാറ്റ്​സ്​മാന്‍ ഫാബിദ് അഹമദിന്‍റെ വിക്കറ്റ്​ തെറുപ്പിച്ചായിരുന്നു ശ്രീശാന്ത് വരവ് ​ഗംഭീരമാക്കിയത്. ​

‘പിന്തുണക്കും സ്നേഹത്തിനും ഒരുപാട് നന്ദി … ഇത് ഒരു തുടക്കം മാത്രമാണ് … നിങ്ങളുടെ ആശംസകളും പ്രാര്‍ഥനകളും കൊണ്ട്​ ഇനിയും ഒരുപാട്​ കാര്യങ്ങള്‍ ചെയ്യാനുണ്ട്.. നിങ്ങളോടും കുടുംബ​ത്തോടും ഒരുപാട്​ ബഹുമാനം’- ശ്രീ ട്വിറ്ററില്‍ കുറിച്ചു.

Thanks a lot for all the support and love ..it’s just the beginning..with all of ur wishes and prayers many many many more to go..❤️🇮🇳🏏lots of respect to u nd family .. #blessed #humbled #cricket #bcci #kerala #love #team #family #india #nevergiveup pic.twitter.com/bMnXbYOrHm

— Sreesanth (@sreesanth36) January 11, 2021

മുഷ്​താഖ്​ അലി ട്രോഫിയിലൂടെയായിരുന്നു ശ്രീശാന്തിന്‍റെ ക്രിക്കറ്റിലേക്കുള്ള തിരിച്ചുവരവ്​. 29 റണ്‍സിന്​ ഒരുവിക്കറ്റുമായാണ്​ ശ്രീശാന്ത്​ മത്സരം അവസാനിപ്പിച്ചത്​.

നിശ്ചിത ഓവറില്‍ പുതുച്ചേരി 138 റണ്‍സെടുത്തപ്പോള്‍ 10 പന്ത്​ ബാക്കി നില്‍ക്കേ ലക്ഷ്യം നേടി. ക്യാപ്​റ്റന്‍ സഞ്​ജു സാംസണും (32), മുഹമ്മദ്​ അസ്​ഹറുദ്ദീന്‍ (30), റോബിന്‍ ഉത്തപ്പയും (21) കേരളത്തിനായി തിളങ്ങി.