വാഷിംഗ്ടണ് : ചൈനയെ പൂര്ണ്ണമായും പ്രതികൂട്ടിലാക്കിയ മൈക്ക് പോംപിയോയുടെ നയം ആവര്ത്തിച്ച് പുതിയ സെക്രട്ടറി ബ്ലിങ്കനും രംഗത്ത്. കോവിഡ് വിഷയത്തില് ചൈന തീര്ത്തും പരാജയപ്പെട്ടിരിക്കുന്നു. ഒപ്പം വിവരങ്ങള് പങ്കുവെയ്ക്കുന്നതില് മനപ്പൂര്വ്വമായ അലംഭാവവും കാണിക്കുകയാണ്. ആദ്യം കോവിഡ് പൊട്ടിപ്പുറപ്പെട്ട സ്ഥലത്തെ വിവരം പോലും ഇപ്പോഴും ചൈന പുറത്തു വിട്ടിട്ടില്ലെന്നതും സംശയങ്ങള് വര്ദ്ധിപ്പിക്കുകയാണ്.
ചൈനയിലേക്ക് വിദഗ്ധര് എത്തി വിവരങ്ങള് ശേഖരിക്കാന് അനുവദിക്കണമെന്നും ബ്ലിങ്കന് പറഞ്ഞു. കോവിഡ് വ്യാപനത്തില് ചൈന പലതും മുടിവെയ്ക്കുന്നതായും അദ്ദേഹം പറഞ്ഞു. ചൈന അന്വേഷണം വേഗത്തിലാക്കണമെന്നും മഹാമാരിയുടെ എല്ലാ വിവരങ്ങളും കണ്ടെത്തി ലോകത്തെ അറിയിക്കണമെന്നും ബ്ലിങ്കന് ആവശ്യപ്പെട്ടു.
ലോകാരോഗ്യ സംഘടനയുടെ പ്രതിനിധികളുടെ സന്ദര്ശനം ചൈനയില് നടക്കുന്ന പശ്ചാത്തലത്തിലാണ് അമേരിക്ക വീണ്ടും ചൈനയെ വിമര്ശിച്ചിരിക്കുന്നത്. വിഗദഗ്ധരെ ചൈന തീരുമാനിച്ചിരിക്കുന്ന മേഖലകളില് മാത്രമേ കൊണ്ടുപോകുന്നുള്ളു. വുഹാനിലെ എല്ലാ വിവരങ്ങളും ഇപ്പോഴും ദുരൂഹമായി തുടരുകയാണെന്നും അദ്ദേഹം പറഞ്ഞു.
Discussion about this post