കൊച്ചി: ഹത്രാസ് കലാപശ്രമവുമായി ബന്ധപ്പെട്ട കള്ളപ്പണം വെളുപ്പിക്കല് കേസില് ക്യാമ്പസ് ഫ്രണ്ട് നേതാവ് റൗഫ് ഷെരീഫിനെ ലഖ്നൗ കോടതിയുടെ പരിധിയിലേക്ക് മാറ്റണമെന്നാവശ്യപ്പെട്ട് കോടതിയില് അപേക്ഷ നല്കി എന്ഫോഴ്സ്മെന്റ് ഡയറക്ടറേറ്റ്. എറണാകുളം പ്രിന്സിപ്പില് സെഷന്സ് കോടതിയിലാണ് അപേക്ഷ നല്കിയത്. ഹര്ജിയില് വെള്ളിയാഴ്ച വിധി പറയും.
ഹത്രാസ് കലാപ ശ്രമക്കേസില് സിദ്ദീഖ് കപ്പന് ഉള്പ്പെടെയുള്ളവര്ക്കെതിരെ ലക്നൗ കോടതിയിലാണ് കേസ് ചുമത്തിയിരിക്കുന്നത്. പ്രതികളുടെ ഹത്രാസ് യാത്രക്കായുള്ള ഫണ്ട് കൈമാറിയത് റൗഫ് ഷെരീഫ് ആണെന്നാണ് ഇഡിയുടെ ആരോപണം. കാമ്പസ് ഫ്രണ്ടിന്റെ പ്രവര്ത്തനങ്ങള്ക്ക് ഫണ്ട് കൈകാര്യം ചെയ്യുന്നത് റൗഫ് വഴിയാണെന്നും ഇതിനായി വിദേശത്ത് നിന്നടക്കം റൗഫിന്റെ അക്കൗണ്ടുകളിലേക്ക് കോടിക്കണക്കിന് രൂപയെത്തിയെന്നും ഇ ഡി ആരോപിക്കുന്നു.
Discussion about this post