കൊൽക്കത്ത: പശ്ചിമ ബംഗാളിൽ നിയമസഭാ തെരഞ്ഞെടുപ്പിൽ അവസാന നിമിഷം വൻ തോൽവി ഭയന്ന് മുഖ്യമന്ത്രി മമത ബാനർജി. ബിജെപിക്കെതിരെ നിലനിൽക്കാൻ സഹായിക്കണമെന്ന് അഭ്യർത്ഥിച്ച് പ്രമുഖ പ്രതിപക്ഷ പാർട്ടികളുടെ നേതാക്കൾക്ക് മമത കത്തയച്ചു.
കോൺഗ്രസ് അധ്യക്ഷ സോണിയ ഗാന്ധി, എൻസിപി നേതാവ് ശരദ് പവാർ, ഡിഎംകെ നേതാവ് സ്റ്റാലിൻ, സമാജ്വാദി പാർട്ടി നേതാവ് അഖിലേഷ് യാദവ്, ആർജെഡി നേതാവ് തേജസ്വി യാദവ്, ശിവസേന നേതാവ് ഉദ്ധവ് താക്കറെ എന്നിവർക്കാണ് മമത ബാനർജി കത്തയച്ചിരിക്കുന്നത്.
പശ്ചിമ ബംഗാൾ നിയമസഭാ തെരഞ്ഞെടുപ്പിൽ ബിജെപിയിൽ നിന്നും കനത്ത മത്സരമാണ് മമതയുടെ തൃണമൂൽ കോൺഗ്രസ് നേരിടുന്നത്. വികസന മുരടിപ്പ്, തൊഴിലില്ലായ്മ, ന്യൂനപക്ഷ പ്രീണനം, ബംഗ്ലാദേശി നുഴഞ്ഞു കയറ്റം, ക്രമസമാധാന തകർച്ച എന്നിവ ചൂണ്ടിക്കാട്ടി ശക്തമായ പ്രചാരണമാണ് ബിജെപി നടത്തുന്നത്.
