ജയ്പൂര്: രാജസ്ഥാന് മുഖ്യമന്ത്രി അശോക് ഗെഹ്ലോട്ടിന് കൊവിഡ് സ്ഥിരീകരിച്ചു. നിലവില് അദ്ദേഹം വീട്ടില് നിരീക്ഷണത്തിലാണ്. രോഗലക്ഷണങ്ങളില്ലെന്നും മറ്റ് ആരോഗ്യപ്രശ്നങ്ങളില്ലെന്നും മുഖ്യമന്ത്രി ട്വിറ്ററിലൂടെ അറിയിച്ചു.
കൊവിഡ് പ്രോട്ടോക്കോള് പാലിച്ച് താന് വീട്ടില് ക്വാറന്റൈനില് കഴിയും. കൊവിഡ് അവലോകന യോഗങ്ങള് ഡോക്ടര്മാരുമായും ഉദ്യോഗസ്ഥരുമായും ദിവസവും രാത്രി 8.30ന് ഓണ്ലൈനായി നടത്തുമെന്നും ഗെലോട്ട് പറഞ്ഞു.
കഴിഞ്ഞദിവസം ഭാര്യയും കോണ്ഗ്രസ് നേതാവുമായ സുനിതാ ഗെലോട്ടിനും കൊവിഡ് പോസിറ്റീവായിരുന്നു. ഇവരും വീട്ടില് നിരീക്ഷണത്തിലാണ്. രാജസ്ഥാനിലെ മൊത്തത്തിലുള്ള കൊവിഡ് 19 സ്ഥിതിഗതികള് ചര്ച്ച ചെയ്യുന്നതിനായി മുഖ്യമന്ത്രി ഉദ്യോഗസ്ഥരുമായി യോഗങ്ങളില് സജീവമായി പങ്കെടുത്തുവരികയായിരുന്നു.
Discussion about this post