ഡൽഹി : ചാമ്പ്യന്മാർ തമ്മിലുള്ള ആവേശകരമായ പോരാട്ടത്തിൽ മുംബൈ ഇന്ത്യൻസിന് തകർപ്പൻ ജയം. ചെന്നൈ സൂപ്പർ കിംഗ്സ് ഉയർത്തിയ 219 റൺസ് വിജയ ലക്ഷ്യം ആറു വിക്കറ്റിന്റെ നഷ്ടത്തിൽ മുംബൈ മറികടന്നു. തകർത്തടിച്ച മുംബൈ താരം കീറോൺ പൊള്ളാർഡാണ് മുംബൈയെ വിജയത്തിലെത്തിച്ചത്. പൊള്ളാർഡ് 34 പന്തിൽ എട്ട് സിക്സറുകളുടേയും ആറു ബൗണ്ടറികളുടേയും അകമ്പടിയോടെ 87 റൺസ് നേടി.
പൊള്ളാർഡിന്റെ തകർപ്പൻ ബാറ്റിംഗ്
നേരത്തെ 27 പന്തിൽ 72 റൺസ് നേടിയ അമ്പാട്ടി റായിഡുവിന്റെ തട്ടുപൊളിപ്പൻ ബാറ്റിംഗിന്റെ പിൻബലത്തിലാണ് ചെന്നൈ 218 റൺസെടുത്തത്. ഏഴ്സ് സിക്സറുകളും നാല് ബൗണ്ടറികളും പറത്തിയാണ് റായിഡു തകർപ്പൻ ഫോമിലേക്ക് തിരികെയെത്തിയത്. അർദ്ധ സെഞ്ച്വറികൾ നേടിയ ഡൂപ്ലസിസും മൊയിൻ അലിയും സ്കോർ ഇരുനൂറു കടത്തുന്നതിൽ നിർണായക പങ്കു വഹിച്ചു.
മുംബൈയുമായുള്ള മത്സരത്തിൽ തോറ്റെങ്കിലും 10 പോയിന്റ് നേടി ഒന്നാമതാണ് ചെന്നൈ സൂപ്പർ കിംഗ്സ്. 7 കളികളിൽ നിന്ന് 8 പോയിന്റ് നേടിയ മുംബൈ നാലാം സ്ഥാനത്താണ്. ഡൽഹിയും ബംഗളൂരുവുമാണ് രണ്ടും മൂന്നും സ്ഥാനങ്ങളിൽ.
Discussion about this post