കോട്ടയം: ശക്തമായ രാഷ്ട്രീയ നീക്കങ്ങൾക്ക് സാക്ഷ്യം വഹിച്ച പാലായിൽ ഇടത് സ്ഥാനാർത്ഥി ജോസ് കെ മാണിക്കെതിരെ മാണി സി കാപ്പൻ മുന്നിട്ടു നിൽക്കുന്നു. ഫലം നിമിഷം തോറും മാറി മറിയുന്ന പാലായിൽ നിലവിൽ യുഡിഎഫ് ആണ് മുന്നിട്ടു നിൽക്കുന്നത്.
തപാൽ വോട്ടിലും ആദ്യ റൗണ്ട് വോട്ട് എണ്ണിയ രാമപുരം പഞ്ചായത്തിലും ജോസ് കെ മാണിക്കായിരുന്നു മുൻതൂക്കം. എന്നാൽ രണ്ടാം റൗണ്ടിൽ മാണി സി കാപ്പൻ കളം തിരിച്ച് പിടിച്ചു. നിലവിൽ മാണി സി കാപ്പനാണ് ലീഡ് ഉയര്‍ത്തുന്നത്.
സംസ്ഥാനത്ത് ഇടത് മുന്നണി ശക്തമായ മുന്നേറ്റം തുടരുകയാണ്. 91 സീറ്റുകളിലാണ് ഇടത് മുന്നേറ്റം. 46 സീറ്റുകളിൽ യുഡിഎഫും രണ്ടിടത്ത് എൻഡിഎയും മുന്നേറുന്നു.
