ബംഗളൂരു : ഈദ് ദിനത്തിൽ മുസ്ലിങ്ങൾ നടത്തുന്ന റാലി ഹിന്ദുക്കൾ ആക്രമിച്ചാലെങ്ങനെയിരിക്കുമെന്ന വിവാദ ചോദ്യവുമായി പ്രമുഖ വിദ്യാഭ്യാസ സ്ഥാപനമായ അൺഅക്കാഡമി. ഐപിസി പരീക്ഷയുടെ മാതൃക ചോദ്യപേപ്പറിലായിരുന്നു വിവാദ ചോദ്യം.
ഈദ് ദിനത്തിൽ മുസ്ലിങ്ങൾ നടത്തിയ റാലി ഹിന്ദു ഭൂരിപക്ഷ മേഖലയിൽ വച്ച് ആക്രമിക്കപ്പെടുന്നു. ഹിന്ദുക്കളുടെ മതവികാരത്തെ വ്രണപ്പെടുത്തിയെന്ന ആരോപണം ഉന്നയിച്ചാണ് ആക്രമിക്കുന്നത്. ഈ അവകാശ വാദം ശരിയാണോ ? ഇതായിരുന്നു അൺ അക്കാദമിയുടെ ചോദ്യത്തിൽ ഉണ്ടായിരുന്നത്. മൂന്ന് ഉത്തരങ്ങളും ചോദ്യത്തിനൊപ്പം കൊടുത്തിട്ടുണ്ട്.
മുദ്രാവാക്യം വിളി ഹിന്ദുക്കളുടെ മതവികാരത്തെ വ്രണപ്പെടുത്തുന്നതായിരുന്നു. ഹിന്ദു ഭൂരിപക്ഷ മേഖലയിൽ റാലി നടത്തിയത് ഹിന്ദുക്കളുടെ മത വികാരത്തെ വ്രണപ്പെടുത്തി. ആരുടേയും മതവികാരത്തെ വ്രണപ്പെടുത്താൻ റാലി നടത്തിയ മുസ്ലിങ്ങൾ ഉദ്ദേശിച്ചിരുന്നില്ല . ഇതായിരുന്നു മൂന്ന് ഉത്തരങ്ങൾ .ചോദ്യത്തിനെതിരെ പ്രതിഷേധം ഉയർന്നതോടെ ക്ഷമാപണവുമായി സ്ഥാപനം രംഗത്തെത്തി. ചോദ്യം ഔട്ട് സോഴ്സ് ചെയ്തതാണെന്നും കൃത്യമായി പരിശോധിക്കാഞ്ഞത് തെറ്റായിപ്പോയെന്നും അൺഅക്കാഡമി പ്രസ്താവനയിൽ പറഞ്ഞു.
അതേസമയം ഇന്ത്യയിൽ ഒരു കാലത്തും ഇത്തരം സംഭവങ്ങൾ ഉണ്ടായതായി ചരിത്രം പറയുന്നില്ലെന്ന് സാമൂഹ്യ മാദ്ധ്യമങ്ങളിൽ അഭിപ്രായങ്ങൾ ഉയർന്നു. ഹിന്ദുക്കളുടെ ഘോഷയാത്രയ്ക്ക് നേരേ മുസ്ലിം ഭൂരിപക്ഷ കേന്ദ്രങ്ങളിൽ ആക്രമണങ്ങൾ ഉണ്ടായിട്ടുള്ളതിന്റെ നിരവധി സംഭവങ്ങൾ ചരിത്രത്തിലുണ്ടെന്നും പ്രതിഷേധമുന്നയിച്ചവർ ചൂണ്ടിക്കാട്ടുന്നു. ഈയടുത്ത് തമിഴ്നാട്ടിൽ മുസ്ലിം ഭൂരിപക്ഷ പ്രദേശങ്ങളിലെ ഹിന്ദു ഘോഷയാത്ര നിരോധിക്കണമെന്ന ആവശ്യവുമായി മുസ്ലിങ്ങൾ രംഗത്തെത്തിയതും കോടതിയെ സമീപിച്ചതും ചർച്ചയാകുന്നുണ്ട്.
Discussion about this post