കൊച്ചി: കരിപ്പൂർ സ്വർണ്ണക്കടത്ത് കേസന്വേഷണം ടിപി കേസ് പ്രതികളിലേക്ക്. കേസിൽ കൊടി സുനിയെയും, ഷാഫിയെയും കസ്റ്റംസും ചോദ്യം ചെയ്യും. കള്ളക്കടത്ത് സ്വർണ്ണം മോഷ്ടിക്കാൻ ടിപി കേസ് പ്രതികൾ സഹായിച്ചെന്ന അർജുൻ ആയങ്കിയുടെ മൊഴിയുടെ അടിസ്ഥാനത്തിലാണ് ചോദ്യം ചെയ്യൽ.
ടിപി കേസ് പ്രതികൾ നിർദ്ദേശിക്കുന്ന ആളുകൾക്കാണ് ലാഭ വിഹിതം നൽകിയിരുന്നത്. കരിപ്പൂർ സംഭവത്തിന് ശേഷം ഒളിവിൽ പോകാൻ സഹായം കിട്ടിയെന്നും അർജുൻ ആയങ്കി കസ്റ്റംസിന് നൽകിയ മൊഴിയിൽ പറഞ്ഞിരുന്നു.
അർജുൻ മൊഴികളിൽ പരാമർശിച്ച പേരുകാരെ വിളിച്ചുവരുത്തി ചോദ്യം ചെയ്യുന്നതിലൂടെ എല്ലാ കാര്യങ്ങളിലും കൂടുതൽ വ്യക്തത വരുമെന്നാണ് അന്വേഷണ സംഘത്തിന്റെ വിലയിരുത്തൽ.
