കോഴിക്കോട്: വിദ്യാർത്ഥിനികൾക്ക് അശ്ലീല സന്ദേശങ്ങൾ അയച്ച അധ്യാപകന് സസ്പെൻഷൻ. കാലിക്കറ്റ് സർവകലാശാല ഇംഗ്ലീഷ് പഠന വകുപ്പിലെ അധ്യാപകൻ ഹാരിസിനെതിരെയാണ് നടപടി.
അധ്യാപകൻ അശ്ലീല സന്ദേശങ്ങൾ അയച്ചു എന്ന് വിദ്യാർത്ഥിനി പരാതി നൽകിയതോടെ സമാനമായ പരാതിയുമായി എട്ട് വിദ്യാർത്ഥിനികൾ കൂടി രംഗത്ത് വരികയായിരുന്നു. ഹാരിസിനെതിരെ പൊലീസിലും പരാതി നൽകിയിട്ടുണ്ട്.
സംഭവത്തിൽ ഐപിസി 354, 354 ഡി വകുപ്പുകൾ പ്രകാരം കേസെടുത്ത് തേഞ്ഞിപ്പലം പൊലീസ് അന്വേഷണം ആരംഭിച്ചു. വിദ്യാർഥിനികളെ മാനസികമായി അപമാനിക്കുന്ന സമീപനം കാലങ്ങളായി അധ്യാപകനിൽനിന്നുണ്ടെന്നും പരാതിയിൽ പറയുന്നു. ഇയാൾക്കെതിരെ ശക്തമായ നടപടി വേണമെന്ന് ആവശ്യപ്പെട്ട് പ്രതിപക്ഷ വിദ്യാർത്ഥി സംഘടനകളും രംഗത്തെത്തി.
Discussion about this post