പാലക്കാട്: ഭക്ഷണത്തിൽ വിഷം നൽകി ഭർതൃപിതാവിനെ കൊലപ്പെടുത്താൻ ശ്രമിച്ച കേസിൽ യുവതിക്ക് അഞ്ച് വര്ഷം കഠിന തടവും അര ലക്ഷം രൂപ പിഴയും. പാലക്കാട് കരിമ്പുഴ സ്വദേശിനി ഫസീലയെയാണ് ഒറ്റപ്പാലം അഡീഷനല് െസഷന്സ് കോടതി ശിക്ഷിച്ചത്.
ഭര്ത്താവിന്റെ മുത്തശ്ശിയെ വിഷം നല്കി കൊലപ്പെടുത്തിയെന്ന കേസിലും ഫസീലക്കെതിരെ വിചാരണ തുടരുകയാണ്. 59കാരനായ ഭര്തൃപിതാവ് മുഹമ്മദിന് രണ്ട് വര്ഷത്തോളം ഭക്ഷണത്തിനൊപ്പം മെത്തോമൈല് എന്ന വിഷ പദാര്ഥം നൽകി കൊലപ്പെടുത്താൻ ശ്രമിച്ചതാണ് കേസ്. 2013 മുതല് 2015 വരെയുള്ള കാലയളവിലായിരുന്നു വിഷം നല്കിയത്.
നിരന്തരം ഉദരസംബന്ധമായ അസുഖങ്ങൾ അലട്ടിയിരുന്ന മുഹമ്മദ് ചികിത്സയിലായിരുന്നു. ഇതിനിടയിലാണ് ഫസീല ഭക്ഷണത്തില് വിഷം കലര്ത്തുന്നത് മുഹമ്മദ് നേരിട്ട് കണ്ടതും പൊലീസിനെ അറിയിച്ചതും.
തുടർന്ന് നടത്തിയ ഫൊറന്സിക് പരിശോധനയിലാണ് പൊലീസ് ഇവരുടെ വീട്ടില്നിന്ന് പിടിച്ചെടുത്ത വിഷാംശത്തിന്റെ സാന്നിധ്യം മുഹമ്മദിന്റെ ശരീരത്തിലും കണ്ടെത്തിയത്. കൊലപാതകശ്രമത്തിനും വിഷം നല്കിയതിനുമായി 25,000 രൂപ വീതമാണ് കോടതി അരലക്ഷം പിഴ ചുമത്തിയത്.
ഭര്ത്താവിന്റെ മുത്തശ്ശിയെ കൊലപ്പെടുത്തിയെന്ന കേസിലും ഫസീല വിചാരണ നേരിടുകയാണ്. ക്ലോര്പൈറിഫോസ് എന്ന വിഷപദാര്ഥം അകത്തു ചെന്നാണ് 71 വയസ്സുള്ള നബീസ കൊല്ലപ്പെട്ടത്. 2016 ജൂണിലായിരുന്നു ദുരൂഹമരണം. ഇതിനൊക്കെ കാരണം മുൻ വൈരാഗ്യമാണ് എന്നാണ് കണ്ടെത്തിയിരിക്കുന്നത്.
