കൊച്ചി : പടിഞ്ഞാറുനിന്നു കിഴക്കോട്ട് 40-50 കിലോമീറ്റര് വേഗത്തില് ഒരേദിശയില് മണ്സൂണ് കാലത്ത് കാറ്റു വീശുന്നത് പതിവാണ്. ഈ കാറ്റിന്റെ സഞ്ചാരപാതയിലേക്ക് കൂമ്പാര മേഘങ്ങള് കയറിവരുമ്പോഴാണ് വായുപ്രവാഹം ഉണ്ടാകുക.
‘വളരെ പെട്ടെന്ന് നാശം വിതച്ചു കടന്നു പോകുന്ന കാറ്റാണ് ഇപ്പോൾ കേരളത്തെ ഭീതിപ്പെടുത്തുന്നത്. മേഘങ്ങൾക്കുള്ളിലുണ്ടാകുന്ന ചെറുവിസ്ഫോടന ഫലമായി ചുഴലി പോലെ താഴേക്ക് വളരെ കുറച്ചുസമയത്തേക്കു ഉണ്ടാകുന്ന വായുപ്രവാഹമാണ് ഇതിനു കാരണം’. മിനി ടൊര്ണാഡോ’ യെ കുറിച്ച് കൊച്ചി സര്വകലാശാലലെ അഡ്വാന്സ്ഡ് സെന്റര് ഫോര് അറ്റ്മോസ്ഫറിക് റഡാര് റിസര്ച് (അക്കാര്) ഡയറക്ടര് ഡോ എസ് അഭിലാഷ് വ്യക്തമാക്കി.
കൊച്ചിക്കു പുറമെ പത്തനംതിട്ട, തൃശൂര് എന്നിവിടങ്ങളിലും ഇപ്പോള് കൂമ്പാര മേഘങ്ങള് പലസ്ഥലത്തും കണ്ടു വരുന്നത് ആശങ്ക സൃഷ്ഠിക്കുന്നു. മേഘങ്ങളുടെ ഭാഗമായി വരുന്ന പ്രവചിക്കാന് കഴിയാത്ത ഈ കാറ്റ് മണിക്കൂറില് 200 കിലോമീറ്റര് വേഗത്തില്വരെ വീശാം. ഏകദേശം നാല് മിനിറ്റിനകം ശാന്തമാകുമെങ്കിലും ചിന്തിക്കാവുന്നതിലും അധികം നാശനഷ്ടം ഇവ വരുത്തിവച്ചേക്കാമെന്നാണ് സൂചനകള് ലഭിക്കുന്നത്.
Discussion about this post