‘താലിബാൻ ഇന്ത്യക്ക് അടിയന്തര ഭീഷണി, കാലക്രമത്തിൽ അവർ ചൈനയെയും പാകിസ്ഥാനെയും തിരിഞ്ഞ് കൊത്തും‘; ബിജെപി

ഡൽഹി: താലിബാൻ ഇന്ത്യക്ക് അടിയന്തര ഭീഷണിയാണെന്ന് ബിജെപി. പാകിസ്ഥാനിൽ ഐ എസ് ഐക്ക് കീഴിൽ പരിശീലനം നേടിയ മുപ്പതിനായിരം ഭീകരർ താലിബാൻ സംഘത്തിലുണ്ട്. പാകിസ്ഥാന്റെ താത്പര്യ പ്രകാരം ഈ ഭീകരരെ എവിടെ വേണമെങ്കിലും വിന്യസിക്കാൻ താലിബാൻ തയ്യാറാകുമെന്ന് ബിജെപി ദേശീയ ജനറൽ സെക്രട്ടറി റാം മാധവ് പറഞ്ഞു.

Taliban hs over 30K mercenaries trained in Pak by ISI. In power in Kabul, Taliban leadership wl now deploy them ‘elsewhere’ wid d help of mentor Pak. India shud brace up for serious security challenges. Taliban may eventually consume Pak n China 2, but immediate threat is 4 India

— Ram Madhav (@rammadhav_) August 16, 2021

ഇന്ത്യക്ക് കനത്ത സുരക്ഷാ വെല്ലുവിളി ഉയർത്താൻ ഈ ഭീകരർ പരിശ്രമിക്കും. എന്നാൽ ഇത് മുൻനിർത്തി രാജ്യം സുരക്ഷാ മുന്നൊരുക്കങ്ങൾ ശക്തമാക്കുമെന്നും അദ്ദേഹം വ്യക്തമാക്കി. കാലക്രമത്തിൽ ഈ ഭീകരവാദ ശക്തികൾ പാകിസ്ഥാനെയും ചൈനയെയും തിരിഞ്ഞ് കൊത്തുമെന്നും അദ്ദേഹം പറഞ്ഞു.

അഫ്ഗാനിസ്ഥാനിലെ താലിബാൻ ഭരണം ഇന്ത്യക്ക് ഭീഷണിയാണെന്ന് ബിജെപി എം പി സുബ്രമണ്യൻ സ്വാമിയും പറഞ്ഞു. ഭാവിയിൽ ചൈനക്കും പാകിസ്ഥാനുമൊപ്പം ചേർന്ന് താലിബാൻ ഇന്ത്യയെ ആക്രമിക്കുമെന്ന് അദ്ദേഹം പറഞ്ഞു.