കാബൂള്: കാബൂളിലെ സൈനിക ജയില് താലിബാന് ഭീകരർ പിടിച്ചെടുത്തു. കൊടും ഭീകരര് ഉള്പ്പെടെ 5000ത്തോളം തടവുകാരെയാണ് താലിബാന് ഇവിടെ നിന്നും മോചിപ്പിച്ചത്. ബഗ്രാമിലെ സൈനിക ജയിലാണ് താലിബാന് പിടിച്ചെടുത്തത്.
അമേരിക്കന് സൈന്യത്തിന് കീഴിലായിരുന്ന ജയിലിന്റെ നിയന്ത്രണം നിലവില് പൂര്ണമായും താലിബാന് പിടിച്ചെടുത്തിരിക്കുകയാണ്. സൈനിക പിന്മാറ്റത്തിന് തീരുമാനമായതോടെ ജയിലിന്റെ നിയന്ത്രണം അമേരിക്ക അഫ്ഗാനിസ്ഥാന് കൈമാറിയിരുന്നു. അഫ്ഗാനിസ്ഥാനിലെ ഏറ്റവും വലിയ അമേരിക്കന് മിലിട്ടറി ബേസ് ആയിരുന്നു ബഗ്രാമിലേത്.
ജയിലില് നിന്ന് താലിബാന് മോചിപ്പിച്ചവരില് ബഹുഭൂരിഭാഗവും ഭീകരരാണെന്നാണ് അസോസിയേറ്റഡ് പ്രസ് (എ.പി) റിപ്പോര്ട്ട് ചെയ്യുന്നു. മോചിപ്പിക്കപ്പെട്ടവരില് ഇസ്ലാമിക് സ്റ്റേറ്റിന്റെയും താലിബാന്റെയും ഭീകരരാണ് ഉള്ളത്.
Discussion about this post