കബൂൾ: കാവൽ രാഷ്ട്രപതിയായ താനാണ് നിലവിൽ അഫ്ഗാൻ രാഷ്ട്രപതി സ്ഥാനത്തിന് അർഹനെന്ന് വ്യക്തമാക്കി ഉപരാഷ്ട്രപതി അമറുള്ള സലെ. താൻ ജീവനോടെ ഇപ്പോഴും രാജ്യത്തുണ്ടെന്നും ന്യായമായ തന്റെ അവകാശം നേടിയെടുക്കുന്നതിനായി ദേശീയ നേതാക്കളുടെ പിന്തുണ തേടുകയാണെന്നും അദ്ദേഹം ട്വീറ്റ് ചെയ്തു.
Clarity: As per d constitution of Afg, in absence, escape, resignation or death of the President the FVP becomes the caretaker President. I am currently inside my country & am the legitimate care taker President. Am reaching out to all leaders to secure their support & consensus.
— Amrullah Saleh (@AmrullahSaleh2) August 17, 2021
ഒരു കാരണവശാലും താലിബാന് മുന്നിൽ തല കുനിക്കില്ലെന്ന് ശനിയാഴ്ച അദ്ദേഹം വ്യക്തമാക്കിയിരുന്നു. ഭീകരവാദികൾക്ക് മുന്നിൽ രാജ്യം അടിയറ വെക്കില്ല. എന്നെ വിശ്വസിച്ച ദശലക്ഷങ്ങളെ ഞാൻ വഞ്ചിക്കില്ല. താലിബാനുമായി ഒരു കൂടിച്ചേരലിനും താനില്ലെന്നും കഴിഞ്ഞ ദിവസം സലെ വ്യക്തമാക്കിയിരുന്നു.
താലിബാനെതിരായ പ്രതിരോധത്തിൽ അണിചേരാൻ അദ്ദേഹം ജനങ്ങളോട് ആഹ്വാനം ചെയ്തിരുന്നു. അമേരിക്കൻ പ്രസിഡന്റ് ജോ ബൈഡനുമായി ഇനിയും വാദപ്രതിവാദങ്ങൾ നടത്തുന്നതിൽ അർത്ഥമില്ലെന്നും അദ്ദേഹം പറഞ്ഞു.
Discussion about this post