‘വീട്ടിൽ പോകൂ, നീയൊരു പെണ്ണാണ്‘; വനിതാ മാധ്യമ പ്രവർത്തകർക്ക് വ്യാപകമായി വിലക്കേർപ്പെടുത്തി താലിബാൻ (വീഡിയോ)

കബൂൾ: വനിതാ മാധ്യമ പ്രവർത്തകരെ പണിയെടുക്കാൻ അനുവദിക്കുമെന്ന വാഗ്ദാനം ലംഘിച്ച് താലിബാൻ. സർക്കാർ മാധ്യമ സ്ഥാപനങ്ങളിൽ ജോലി ചെയ്യുന്ന വനിതാ മാധ്യമ പ്രവർത്തകരോട് ജോലിക്ക് വരേണ്ടെന്ന് മിക്കയിടങ്ങളിലും ഭീകരർ ആവശ്യപ്പെട്ടു. ആർടിഎ പഷ്തോയിൽ ജോലി ചെയ്തിരുന്ന ശബ്നം ഡോറനോട് ഇനി വരേണ്ടെന്ന് ഭീകരർ ആവശ്യപ്പെട്ടു.

ഹിജാബ് ധരിച്ച്, ഓഫീസ് ഐഡി കാർഡുമായി കാമറക്ക് മുന്നിൽ വന്ന് ശബ്നം തന്നെയാണ് തന്റെ അനുഭവം വെളിപ്പെടുത്തിയത്. ഓഫീസിൽ പ്രവേശിക്കരുതെന്ന് ഭീകരർ തന്നോട് ആവശ്യപ്പെട്ടതായി അവർ പറഞ്ഞു. താലിബാൻ കബൂൾ പിടിച്ചടക്കിയതോടെ ജീവിതം വഴിമുട്ടിയെന്നും അവർ പറയുന്നു.

ഭരണം മാറിയെന്നും നിങ്ങൾക്ക് ജോലി ചെയ്യാനാവില്ലെന്നും ഭീകരർ ഇവരോട് പറഞ്ഞു. എന്നാൽ സ്ഥാപനത്തിലെ പുരുഷ ജീവനക്കാർക്ക് ജോലി ചെയ്യാൻ അനുവാദം ലഭിച്ചു. ഈ വീഡിയോ കാണുന്നവർ, ദയവ് ചെയ്ത് തങ്ങളെ സഹായിക്കണമെന്നും ശബ്നം അഭ്യർത്ഥിക്കുന്നു.

Afghan woman TV news anchor stopped from working.

Shabnam Dawran, a news anchor with state channel RTA Pushto, has released a video saying she went to her office and was told to return home, despite assurances by the Taliban that women would be allowed to work under their rule pic.twitter.com/DUL5dpfist

— AFP News Agency (@AFP) August 20, 2021

ആർടിഎയിലെ ഖദീജ എന്ന മറ്റൊരു വനിതാ മാദ്ധ്യമ പ്രവർത്തകയെയും താലിബാൻ ഭീകരർ ജോലി ചെയ്യാൻ അനുവദിച്ചില്ലെന്ന് ടോളോ ന്യൂസ് റിപ്പോർട്ട് ചെയ്യുന്നു.