കൊൽക്കത്ത: മമത ബാനർജിയെ ദേശീയ തലത്തിൽ പ്രതിപക്ഷ നേതൃസ്ഥാനത്തേക്ക് കൊണ്ടു വരാൻ ശ്രമങ്ങൾ നടക്കുന്നതിനിടെ കോൺഗ്രസിനെയും ഇടത് പാർട്ടികളെയും ഒരേ പോലെ വെട്ടിലാക്കി മമതയുടെ അനന്തരവനും തൃണമൂൽ കോൺഗ്രസ് ദേശീയ ജനറൽ സെക്രട്ടറിയുമായ അഭിഷേക് ബാനർജി. കോൺഗ്രസിനും ഇടതിനും വോട്ട് ചെയ്യുന്നത് നോട്ടയിൽ ഞെക്കുന്നതിന് തുല്യമാണെന്ന് അഭിഷേക് പറഞ്ഞു. പശ്ചിമ ബംഗാൾ ഉപതെരഞ്ഞെടുപ്പ് പ്രചാരണത്തിനിടെയായിരുന്നു അഭിഷേക് ബാനർജിയുടെ പ്രസ്താവന.
കോൺഗ്രസിനും ഇടത് പാർട്ടികൾക്കും വോട്ട് ചെയ്യുന്നത് ബിജെപിയെ കൂടുതൽ ശക്തമാക്കുമെന്നും അഭിഷേക് പറഞ്ഞു. അവിശുദ്ധ സഖ്യമുണ്ടാക്കിയ കോൺഗ്രസും ഇടത് പാർട്ടികളും കഴിഞ്ഞ തെരഞ്ഞെടുപ്പിൽ ദയനീയമായി പരാജയപ്പെട്ടു. കഴിഞ്ഞ ഏഴ് വർഷമായി ഇവർ ബിജെപിയോട് രാജ്യമെമ്പാടും ഓടി നടന്ന് തോൽക്കുകയാണെന്നും അദ്ദേഹം പരിഹസിച്ചു.
കോൺഗ്രസും ഇടത് പക്ഷവും ബംഗാളിൽ വർഗീയ ശക്തികളുമായി വരെ കൈകോർത്തുവെന്നും അഭിഷേക് ബാനർജി ചൂണ്ടിക്കാട്ടി.
Discussion about this post