കൊച്ചി: നടി കെ.പി.എ.സി ലളിത കൊച്ചിയിലെ സ്വകാര്യ ആശുപത്രിയില് ചികിത്സയില്. പത്ത് ദിവസങ്ങള്ക്ക് മുന്പാണ് നടിയെ തൃശ്ശൂരിലെ ആശുപത്രിയില് പ്രവേശിപ്പിച്ചത്. കൂടുതല് മെച്ചപ്പെട്ട ചികിത്സയ്ക്കായി കഴിഞ്ഞ ദിവസം എറണാകുളത്തേക്ക് മാറ്റുകയായിരുന്നു.
ആരോഗ്യനിലയില് നേരിയ പുരോഗതിയുണ്ട്. കരള്രോഗവുമായി ബന്ധപ്പെട്ടാണ് ചികിത്സ തേടുന്നത്. കരള്മാറ്റ ശസ്ത്രക്രിയയാണ് അടിയന്തിരമായി നിര്ദ്ദേശിച്ചിരിക്കുന്നത്. എന്നാൽ പ്രായവും ആരോഗ്യവും പരിഗണിച്ച് ഡോക്ടർമാർ ഇതിന് തയാറായിട്ടില്ല. പ്രമേഹമടക്കമുള്ള പല രോഗങ്ങളും ഇവരെ അലട്ടുന്നുണ്ട്. കുറച്ചു കാലമായി ചില ആരോഗ്യ പ്രശ്നങ്ങളുണ്ടായിരുന്നുവെങ്കിലും അഭിനയത്തില് സജീവമായിരുന്നു കെ.പി.എ.സി ലളിത. നിലവില് കേരള ലളിതകലാ അക്കാദമിയുടെ ചെയര്പേഴ്സണാണ് കെ.പി.എ.സി. ലളിത.
Discussion about this post