ഝാന്സി: ഇന്ത്യക്ക് ആവശ്യമായ 90 ശതമാനം പ്രതിരോധ സാമഗ്രികളുടെയും നിര്മാണം രാജ്യത്ത് ഉടന് ആരംഭിക്കുമെന്ന് പ്രതിരോധമന്ത്രി രാജ്നാഥ് സിങ്. 2024-25ഓടെ അഞ്ച് ബില്ല്യണ് യു.എസ് ഡോളറിന്റെ പ്രതിരോധ സാമഗ്രികള് കയറ്റുമതി ചെയ്യുമെന്നും അദ്ദേഹം അറിയിച്ചു. ഉത്തര്പ്രദേശ് സര്ക്കാറും കേന്ദ്രസര്ക്കാറും സംയുക്തമായി സംഘടപ്പിച്ച ത്രിദിന പരിപാടി ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം.
’65 മുതല് 70 ശതമാനം വരെ പ്രതിരോധ സാമഗ്രികള് ഇന്ത്യയിലേക്ക് ഇറക്കുമതി ചെയ്യുന്നു. ആത്മനിര്ഭര് ഭാരതിലേക്ക് മാറിയപ്പോള് രാജ്യത്തിന് ആവശ്യമായ 65 ശതമാനം സാമഗ്രികളും ഇന്ത്യ തദ്ദേശീയമായി നിര്മിക്കുന്നു. നേരത്തേ ഒരു ഇറക്കുമതി രാജ്യമായാണ് ഇന്ത്യ അറിയപ്പെട്ടിരുന്നത്. ഇപ്പോള് 70ഓളം രാജ്യങ്ങളിലേക്ക് സാമഗ്രികള് കയറ്റുമതി ചെയ്യുന്നു. ഇറക്കുമതി 35 ശതമാനം മാത്രവും’ -രാഷ്ട്ര രക്ഷ സമര്പണ് പര്വ് സമ്മേളനത്തെ അഭിസംബോധന ചെയ്ത് കേന്ദ്രമന്ത്രി സംസാരിച്ചു. പ്രധാനമന്ത്രി നരേന്ദ്രമോദിയുടെ ആത്മനിര്ഭര് ഭാരത് പരിശ്രമ ഫലമായാണ് ഈ നേട്ടം കൈവരിക്കാന് സാധിച്ചതെന്നും അദ്ദേഹം പറഞ്ഞു.
രാജ്യത്തെ എല്ലാ പ്രതിരോധ മേഖലകളിലും സ്ത്രീകളുടെ പങ്കാളിത്തം ഉയര്ന്നതായി കേന്ദ്രമന്ത്രി അഭിപ്രായപ്പെട്ടു. മോദി സര്ക്കാര് 2014-ല് അധികാരത്തില് വന്നതിന് ശേഷം പൊലീസ്, അര്ധ സൈനിക സേനകളില് സ്ത്രീകളുടെ പങ്കാളിത്തം വര്ധിച്ചുവെന്നും അദ്ദേഹം ചൂണ്ടിക്കാട്ടി.
Discussion about this post