ഗോവയില് വാഹനാപകടത്തില് മൂന്ന് മലയാളികള് മരിച്ചു. ആലപ്പുഴ വലിയഴീക്കല് സ്വദേശി നിതിന് ദാസ് (24), പെരുമ്പള്ളി സ്വദേശികളായ വിഷ്ണു (27), കണ്ണന് (24) എന്നിവരാണ് മരിച്ചത്.
വ്യാഴാഴ്ച രാത്രിയാണ് സംഭവം. അഞ്ചുപേരാണ് കാറില് ഉണ്ടായിരുന്നത്. കൂടെ ഉണ്ടായിരുന്ന അഖില് (24), വിനോദ് കുമാര് (24) എന്നിവര് പരിക്കേറ്റ് ഗോവ മെഡിക്കല് കോളജില് ചികിത്സയിലാണ്.
ഇവര് സഞ്ചരിച്ച കാര് നിയന്ത്രണം വിട്ട് ഡിവൈഡറില് ഇടിച്ച് മറിയുകയായിരുന്നുവെന്നാണ് പ്രാഥമിക വിവരം. ഇവരില് മൂന്ന് പേര് വിനോദ സഞ്ചാരികളും രണ്ട് പേര് ഗോവയില് ജോലി ചെയ്യുന്നവരുമാണ്. ഗോവയില് ഇന്ത്യന് നേവിയില് ജോലി ചെയ്യുന്ന നിതിന്ദാസിനെ കാണാനായി ഗോവയിലെത്തിയതാണ് മറ്റുള്ളവര്. വാടകയ്ക്ക് എടുത്ത കാറുമായി പുലര്ച്ചെ യാത്ര ചെയ്യുമ്പോഴാണ് അപകടം.
Discussion about this post