ഡല്ഹി: സിംഗപ്പൂര് പ്രധാനമന്ത്രി ലീ സിയാന് ലൂംഗിന്റെ നെഹ്റുവിന്റെ ഇന്ത്യ പരാമര്ശത്തിൽ അതൃപ്തി അറിയിച്ച് കേന്ദ്രസര്ക്കാര്. സിംഗപ്പൂര് പ്രധാനമന്ത്രിയുടെ പരാമര്ശം അനുചിതമാണെന്ന് കേന്ദ്ര സര്ക്കാര് പറഞ്ഞു. വിഷയത്തില് സിംഗപ്പൂര് അംബാസിഡറെ വിളിച്ചു വരുത്തി ഇന്ത്യ പ്രതിഷേധം അറിയിച്ചു. കഴിഞ്ഞ ദിവസം സിംഗപ്പൂര് പ്രധാനമന്ത്രി ലീ സീന് ലൂങ് പാര്ലമെന്റിലെ സംവാദത്തിനിടെ ഇന്ത്യന് എം പിമാരില് പകുതിയോളം പേര്ക്കെതിരെ ബലാത്സംഗം, കൊലപാതകം തുടങ്ങിയ ക്രിമിനല് കുറ്റങ്ങള് നിലനില്ക്കുന്നുവെന്നും ഇത്തരക്കാരുടെ നാടായി ‘നെഹ്രുവിന്റെ ഇന്ത്യ’ മാറിയിരിക്കുന്നുവെന്നും പറഞ്ഞിരുന്നു.
ജനാധിപത്യം എങ്ങനെ പ്രവര്ത്തിക്കണം എന്ന വിഷയത്തിലായിരുന്നു സിംഗപ്പൂര് പാര്ലമെന്റിലെ ചര്ച്ച. ഇതിലെ പരാമര്ശത്തിനെതിരെയായിരുന്നു ഇന്ത്യ അതൃപ്തി അറിയിച്ചത്. സിംഗപ്പൂര് ഹൈക്കമ്മീഷണര് സൈമണ് വോങ്ങിനെ വിളിച്ചുവരുത്തിയാണ് അതൃപ്തി അറിയിച്ചത്.
സിംഗപ്പൂര് പ്രധാനമന്ത്രിയുടെ പരാമര്ശങ്ങള് അനാവശ്യമാണെന്ന് വിദേശകാര്യ മന്ത്രാലയം സിംഗപ്പൂരിന്റെ പ്രതിനിധിയെ അറിയിച്ചതായി വൃത്തങ്ങള് അറിയിച്ചു.
Discussion about this post