കൊച്ചി: സാമ്പത്തിക വര്ഷത്തിന്റെ അവസാനം നടക്കുന്ന രണ്ട് ദിവസത്തെ പണിമുടക്ക് സംസ്ഥാനത്തിന്റെ സാമ്പത്തിക മേഖലയെ തകര്ക്കുമെന്ന് ബിജെപി സംസ്ഥാന അധ്യക്ഷന് കെ.സുരേന്ദ്രന്. ഇത് കേരളത്തിന് വിനാശകരമായ പണിമുടക്കാണെന്നും അദ്ദേഹം പറഞ്ഞു.
ഇന്ത്യയില് ഒരിടത്തും ഒരു ചലനവും ഉണ്ടാക്കാനാവാത്ത പണിമുടക്ക് കേരളത്തില് സര്ക്കാര് സ്പോണ്സര് ചെയ്യുകയാണ്. സംസ്ഥാനത്തിന്റെ താത്പര്യം മാനിച്ച് സമരക്കാര്ക്കെതിരെ ശക്തമായ നടപടിയെടുക്കാന് സര്ക്കാര് തയാറാവണമെന്നും സുരേന്ദ്രൻ ആവശ്യപ്പെട്ടു.
കേന്ദ്ര റെയില്മന്ത്രി രാജ്യസഭയില് വ്യക്തമായി പറഞ്ഞതോടെ കെ-റെയില് പദ്ധതി നടപ്പാക്കാനാവില്ലെന്ന് എല്ലാവര്ക്കും ബോധ്യമായിക്കഴിഞ്ഞു. റെയില്വേ മന്ത്രാലയം നിര്ദ്ദിഷ്ട സില്വര് ലൈന് പദ്ധതിയെ പൂര്ണമായും തള്ളിക്കളഞ്ഞിരിക്കുകയാണ്. പിടിവാശി അവസാനിപ്പിച്ച് ദുരഭിമാനം വെടിഞ്ഞ് സര്വേ നടപടികള് നിര്ത്തിവയ്ക്കാന് സര്ക്കാര് തയാറാകണമെന്നും സുരേന്ദ്രൻ കൂട്ടിച്ചേർത്തു.
Discussion about this post