മുഖസൗന്ദര്യത്തിൽ കണ്ണുകൾക്ക് വലിയ പങ്കുണ്ടെന്നാണ് പൊതുവെ പറയാറുള്ളത്. കണ്ണുകളുടെ അഴകിനെ മുൻനിർത്തിയാണ് മിക്ക കവികളും സ്ത്രീകളുടെ സൌന്ദര്യത്തെ വർണ്ണിക്കുന്നതും . എന്നാൽ ഇന്നത്തെ തിരക്കേറിയ ജീവിത ശൈലിസ കാരണം മിക്ക സ്ത്രീകളും കണ്ണിൻറെ സൌന്ദര്യം നിലനിർത്തുന്നതിന് കാര്യമായ ശ്രദ്ധ ചെലുത്താറില്ല. തിരക്കേറിയ ജീവിതശൈലി കാരണം, കണ്ണിന് താഴെ കറുത്ത വൃത്തങ്ങൾ സാധാരണയായി മിക്കവരിലും കണ്ടു വരുന്നു. ശരിയായി ഉറക്കിമില്ലായ്മ, ഭക്ഷണമില്ലായ്മ, അമിത സമ്മർദം എന്നിവയാണ് കണ്ണുകൾക്ക് താഴെയുള്ള കറുപ്പിന് പ്രധാനമായും കാരണമാകുന്നത്. പലപ്പോഴും സ്ത്രീകൾ മേക്കപ്പ് ഉപയോഗിച്ചാണ് ഇത് മറയ്ക്കുന്നത്., കറുത്ത വൃത്തങ്ങൾ എന്നെന്നേക്കുമായി മറയ്ക്കാൻ മേക്കപ്പിന് സാധിക്കുകയുമില്ല. അതുകൊണ്ട് തന്നെ കണ്ണിന് താഴെയുള്ള ഈ കറുത്ത പാടുകൾ അപ്രത്യക്ഷമാക്കാൻ സഹായിക്കുന്ന ചില പൊടിക്കൈകൾ ഉണ്ട്. വീടുകളിൽ തന്നെ നമുക്ക് അത് പരീക്ഷിച്ചു നോക്കാവുന്നതാണ്.
തണുത്ത പാൽ ഉപയോഗിക്കുക:
എല്ലാ വീട്ടിലും എളുപ്പത്തിൽ ലഭ്യമാകുന്ന ഒന്നാണ് പാൽ. കണ്ണിന് താഴെയുള്ള കറുത്ത പാടുകൾ ഇല്ലാതാക്കാൻ തണുത്ത പാൽ വളരെ ഫലപ്രദമാണ്. ആദ്യം ഒരു പഞ്ഞി തണുത്ത പാലിൽ മുക്കി കണ്ണുകൾക്ക് മീതെ വെയ്ക്കുക. കുറഞ്ഞത് 20 മുതൽ 30 മിനിറ്റ് വരെ ഇത് കണ്ണിന് മുകളിൽ വെയ്ക്കേണ്ടതാണ്. രാവിലെയും വൈകുന്നേരവും ഇത് പ്രയോഗിക്കുക. നിങ്ങളുടെ കണ്ണിന് താഴെയുള്ള കറുത്ത പാടുകൾ അപ്രത്യക്ഷമാകും. കൂടാതെ മുഖത്തെ ടാൻ നീക്കം ചെയ്യാനും ഇത് പ്രയോജനപ്പെടും.
റോസ് വാട്ടർ ഉപയോഗിക്കുക:
റോസ് വാട്ടറിന്റെ പതിവ് ഉപയോഗം നിങ്ങളുടെ കണ്ണിൻറെ കറുത്ത പാടുകൾ മാറാൻ സഹായമാകും. പനിനീരിൽ പഞ്ഞി മുക്കി കണ്ണിനു താഴെ പുരട്ടി 20 മിനിറ്റ് വെക്കുക.
തേനും നാരങ്ങയും ചേർന്ന മിശ്രിതം:
കണ്ണിന് താഴെയുള്ള കറുപ്പ് മാറാൻ തേനും നാരങ്ങയും ഉപയോഗിക്കാം. പാലിൽ തേനും നാരങ്ങാനീരും കലർത്തി കണ്ണിന് താഴെ പുരട്ടുക. ഇതിന് ശേഷം 20 മിനുട്ട് വെച്ച ശേഷം തണുത്ത വെള്ളത്തിൽ കഴുകി കളയുക. ഒരു ആഴ്ച തുടർച്ചയായി ചെയ്യുമ്പോൾ തന്നെ ഇതിൻറെ വ്യാത്യാസം നിങ്ങൾക്ക് അനുഭവപ്പെടാം.
Discussion about this post