മലപ്പുറ; മലപ്പുറം ജില്ലയിൽ നിലവിൽ മാവോയിസ്റ്റ് പ്രവർത്തനങ്ങളില്ലെന്ന് സംസ്ഥാന പോലീസ് മേധാവി അനിൽ കാന്ത്.ജില്ലയിലെ മാവോയിസ്റ്റ് പ്രവർത്തനങ്ങൾ നിയന്ത്രണവിധേയമാണെന്നും ഡിജിപി പറഞ്ഞു.മാവോയ്സ്റ്റ് മേഖലകളിൽ പോലീസിൻറെ പ്രവർത്തനങ്ങൾ സജീവമാണ്. നിരീക്ഷണവും ശക്തമാക്കിയിട്ടുണ്ട്. ഇതോടെയാണ് മാവോയിസ്റ്റുകൾ നിർജീവമായതെന്നാണ് ഡിജിപിയുടെ വിലയിരുത്തൽ.
കരിപ്പൂർ വഴിയുള്ള സ്വർണ്ണക്കടത്ത് തടയുന്നതിലും പോലീസിൻറെ പ്രവർത്തനം മികച്ചതാണെന്ന് ഡിജിപി വ്യക്തമാക്കി. മലപ്പുറം ജില്ലാ പോലീസ് മേധാവി സുജിത് ദാസിൻറെ നേതൃത്വത്തിലാണ് ജില്ലയിൽ സ്വർണ്ണക്കടത്ത് വേട്ട നടക്കുന്നത്. ഈ പ്രവർത്തനം വളരെ മികച്ചതാണെന്ന് വിലയിരുത്തിയ ഡിജിപി മലപ്പുറം പോലീസ് മേധാവിയെ അഭിനന്ദിക്കുകയും ചെയ്തു. കരിപ്പൂരിലേതിനും സമാനമായി മറ്റ് ജില്ലകളിലും സ്വർണ്ണക്കടത്ത് തടയാനുള്ള പ്രവർത്തനം സജീവമാക്കുമെന്നും ഡിജിപി അറിയിച്ചു.
ജില്ലയിലെ ഗുണ്ടാ പ്രവർത്തനം, ലഹരി വ്യാപനം എന്നിവ തടയാൻ പുതിയ പദ്ധതികൾ രൂപീകരിക്കുമെന്നും ഡിജിപി പറഞ്ഞു. മലപ്പുറത്ത് പോലീസ് ഉദ്യോഗസ്ഥരുടെ യോഗത്തിന് ശേഷം മാദ്ധ്യമങ്ങളോട് സംസാരിക്കുകയായിരുന്നു ഡിജിപി.
Discussion about this post