കോഴിക്കോട്: റിലയൻസ് ജിയോ ട്രൂ 5ജി സേവനങ്ങൾ ഇനിമുതൽ കോഴിക്കോട്, തൃശൂർ നഗരപരിധിയിലും ലഭിക്കും. നേരത്തെ കേരളത്തിൽ കൊച്ചി, തിരുവനന്തപുരം എന്നിവിടങ്ങളിൽ ലഭിച്ചിരുന്ന സേവനമാണ് രണ്ട് നഗരങ്ങളിലേക്ക് കൂടി വ്യാപിച്ചിരിക്കുന്നത്.
ജനുവരി 10 മുതലാണ് സേവനം ലഭ്യമായി തുടങ്ങുക. 1 ഏയു+െ വേഗതയിൽ അൺലിമിറ്റഡ് ഡാറ്റ അനുഭവിക്കാൻ ജിയോ വെൽക്കം ഓഫറിലേക്ക് ക്ഷണം ലഭിക്കും. 4ജി നെറ്റ്വർക്കിനെ ആശ്രയിക്കാത്ത സ്റ്റാൻഡലോൺ 5ജി നെറ്റ്വർക്കാണ് ജിയോയുടേത്.
ഫോണിൽ 5 ജി സപ്പോർട്ട് ചെയ്യുമോ എന്നറിയാനായി ഫോണിന്റെ സെറ്റിങ്സിൽ സിം കാർഡ് ആൻഡ് മൊബൈൽ നെറ്റ്വർക്ക് ഓപ്ഷൻ തുറന്ന് സിം തിരഞ്ഞെടുക്കണം. ശേഷം ‘പ്രിഫേഡ് നെറ്റ്വർക് ടൈപ്’ തുറക്കുമ്പോൾ 5 ജി ഓപ്ഷൻ കണ്ടാൽ ഫോൺ 5ജി സപ്പോർട്ട് ചെയ്യുമെന്ന് ഉറപ്പിക്കാം. ജിയോ ഉപയോക്താക്കൾക്ക് www.jio.com/5g എന്ന സൈറ്റിൽ പോയി ‘Is your device 5G ready?’ എന്ന ഓപ്ഷനിലേക്ക് ജിയോ നമ്പർ നൽകിയാലും അറിയാനാകും.
5ജി സപ്പോർട്ട് ചെയ്യുന്ന ഫോണിൽ പോസ്റ്റ്പെയ്ഡ് കണക്ഷനോ ബേസിക് പ്രീപെയ്ഡ് പ്ലാനായ 239 രൂപയോ അല്ലെങ്കിൽ അതിനു മുകളിലുള്ള പ്ലാനോ ഉണ്ടെങ്കിൽ മാത്രമേ 5 ജി ലഭ്യമാകൂവെന്നത് ശ്രദ്ധിക്കണം. 5ജി കവറേജുള്ള സ്ഥലത്താണ് സമയം ചെലവഴിക്കുന്നതെങ്കിൽ ജിയോ വെൽകം ഓഫർ ലഭിക്കും. ഇത് മൈ ജിയോ ആപ് ഓപ്പൺ ചെയ്യുമ്പോൾ ജിയോ വെൽകം ഓഫർ എന്ന ബാനർ ഉണ്ടെങ്കിൽ വെൽകം ലഭിച്ചുവെന്ന് മനസിലാക്കാൻ കഴിയും. അതിൽ നിന്നും ‘I’m interested’ എന്ന ഓപ്ഷൻ തിരഞ്ഞെടുത്ത ശേഷം ഫോൺ സെറ്റിങ്സിൽ മൊബൈൽ നെറ്റ്വർക് മെനു ഓപ്പൺ ചെയ്ത് ജിയോ സിം തിരഞ്ഞെടുക്കണം.
Discussion about this post