കൊല്ലം: കെഎസ്ആർടിസി ബസിൽ നിന്നും ഡീസൽ മോഷ്ടിച്ച് ഡ്രൈവർ. സംഭവത്തിൽ കേസ് എടുത്തു. കൊല്ലം കെഎസ്ആർടിസി ഡിപ്പോയിലെ ഡ്രൈവർ എസ്. സലീമിനെതിരെയാണ് കേസ് എടുത്തത്.
ഇന്ന് രാവിലെയോടെയായിരുന്നു ഇയാൾ ഡീസൽ മോഷ്ടിക്കുന്നതിനിടെ പിടിക്കപ്പെട്ടത്. ഡിപ്പോയിലെ ഡീസൽ പമ്പിന് സമീപം നിർത്തിയിട്ടിരുന്ന ബസിൽ നിന്നായിരുന്നു ഡീസൽ മോഷ്ടിച്ചത്. ഡീസൽ കന്നാസിൽ നിറയ്ക്കുന്നതിനിടെ സമീലിനെ പമ്പ് ഓപ്പറേറ്റർ കാണുകയായിരുന്നു. തുടർന്ന് വേഗം അധികൃതരെ വിവരം അറിയിച്ചു. ഇവരാണ് വിവരം പോലീസിനെ അറിയിച്ചത്. ബസിൽ നിന്നും 10 ലിറ്റർ ഡീസൽ മോഷ്ടിച്ച് കടത്താൻ ആയിരുന്നു ശ്രമം.
അതേസമയം വിവരം അറിഞ്ഞ് പോലീസ് എത്തുമ്പോഴേക്കും സലീം സ്ഥലത്തു നിന്നും കന്നു കളഞ്ഞു. ഇയാൾക്കായി പോലീസ് അന്വേഷണം ആരംഭിച്ചിട്ടുണ്ട്. കെഎസ്ആർടിസി കൊല്ലം അസി.ക്ലസ്റ്റർ ഓഫീസർ ആണ് പോലീസിൽ പരാതി നൽകിയത്. ഇതിൽ കൊല്ലം ഈസ്റ്റ് പോലീസാണ് കേസ് എടുത്തത്.
കൊല്ലം- കുളത്തൂപ്പുഴ റൂട്ടിലായിരുന്നു സലീമിന് ഇന്ന് ഡ്യൂട്ടിയുണ്ടായിരുന്നത്. ഇയാൾ കടന്നു കളഞ്ഞതിനാൽ ഈ സർവ്വീസ് മുടങ്ങി. ഇയാളെ സർവീസിൽ നിന്നും പിരിച്ചു വിടുന്നതുൾപ്പെടെ കർശന നടപടികൾ സ്വീകരിക്കുമെന്ന് കെഎസ്ആർടിസി അറിയിച്ചു.
Discussion about this post