നമ്മുടെ ഭൂമിയിൽ സുലഭമായി കാണുന്ന ഒന്നാണ് ജീവവായുവും ജലവും. എന്നാൽ ഇവ എത്രത്തോളം ശുദ്ധമാണെന്ന് ചിന്തിച്ചിട്ടുണ്ടോ? പലയിടത്തും ജീവവായുവും ജലവും ശുദ്ധമല്ലെന്ന പഠനറിപ്പോർട്ടകളുണ്ട്. എന്നാൽ ഇവയില്ലാതെ നമുക്ക് ജീവിക്കാനാവില്ലെന്നതാണ് നഗ്ന സത്യം. ഈ അവസരം മുതലാക്കി ശുദ്ധവായുവും ശുദ്ധജലവും എന്ന് അവകാശപ്പെട്ട് പലരും കുപ്പിയിലാക്കി വിൽപ്പനയും ആരംഭിച്ചിട്ടുണ്ട്.
അക്കൂട്ടത്തിൽ തായ്ലൻഡിലെ ശുദ്ധവായു വിൽപ്പനയാണ് ഇപ്പോൾ സോഷ്യൽമീഡിയയിൽ ചർച്ചയാവുന്നത്. തായ്ലൻഡിലെ അന്തരീക്ഷ മലിനീകരണം മൂലം പലരും അൽപ്പം ആശ്വാസത്തിനായി ഗ്രമങ്ങളിലേക്കാണ് പലരും എത്തുന്നത്.അങ്ങനെ ശുദ്ധവായു ശ്വസിക്കാനായി കുറേയധികം ആളുകൾ ദൂസിത് കച്ചായി എന്നയാളുടെ ഫാം ഹൗസിലും എത്തി. അവസരം മനസിലാക്കിയ ദൂസിത് തന്റെ ഫു ലെയ്ൻ നാഷണൽ പാർക്കിനോട് ചേർന്നുള്ള ഫാം ഹൗസിൽ ശുദ്ധവായു ശ്വസിക്കാൻ പണം ഈടാക്കാൻ തുടങ്ങി.
മണിക്കൂറിന് ആയിരം ബാറ്റ് അഥധവാ ഇന്ത്യൻ രൂയിൽ 2,500 രൂപയാണ് ദൂസിത് ഈടാക്കുന്നത്. 2500 രൂപയുടെ ടിക്കറ്റ് എടുത്താൽ ശുദ്ധവായു ലഭിക്കുകയും സൗജന്യ ഭക്ഷണവും ക്യാമ്പ് ചെയ്യാനുള്ള അവസരവും ലഭിക്കും. എന്നാൽ പ്രായമാവർക്കും കുട്ടികൾക്കും ശുദ്ധവായുവിന് പണം ഈടാക്കില്ലെന്നാണ് ദൂസിത് പറയുന്നത്.
പരിസ്ഥിതി മലിനീകരണം എത്രമാത്രം ഗുരുതരമായ ഭീഷണിയാണ് നമുക്ക് ഉയർത്തുന്നത് എന്ന് ആളുകളെ ബോധ്യമാക്കാൻ കൂടിയാണ് താൻ പണം ഈടാക്കുന്നത് എന്നാണ് അദ്ദേഹം പറയുന്നത്.
Discussion about this post