എന്തുചെയ്തിട്ടും ഈ കൊളസ്ട്രോള് കുറയുന്നില്ലല്ലോ എന്ന് ആവലാതി പെടുന്നവര്ക്ക് കൊളസ്ട്രോള് കുറയ്ക്കാന് സഹായിക്കുന്ന അഞ്ച് പച്ചക്കറികള് പരിചയപ്പെടുത്താം. ചീത്ത കൊളസ്ട്രോളിനെ ആവശ്യമായ നിലയില് നിയന്ത്രിച്ച് നിര്ത്തുക എന്നുപറഞ്ഞാല് ഹൃദയാരോഗ്യത്തിന് കോട്ടമൊന്നും ഉണ്ടാകാതെ സംരക്ഷിച്ച് നിര്ത്തുക എന്നുകൂടിയാണ്. വ്യായാമക്കുറവ്, പൊണ്ണത്തടി, അമിത മദ്യപാനം, പുകയില ഉപയോഗം, മോശം ഭക്ഷണശീലങ്ങള്, ഉയര്ന്ന രക്തസമ്മര്ദ്ദം എന്നിവയെല്ലാം ഹൃദയത്തിനെ അപകടത്തിലാക്കുന്ന ഘടകങ്ങളാണെങ്കിലും ഇവയില് ഏറ്റവും ഭയക്കേണ്ടത് ചീത്ത കൊളസ്ട്രോളിനെ തന്നെയാണ്.
ചീത്ത കൊളസ്ട്രോള് പരിധി വിടുമ്പോള് ഹൃദയാഘാതത്തിനും ഹൃദ്രോഗങ്ങള്ക്കുമുള്ള സാധ്യത കൂടും. അതിനാല് ഹൃദയാരോഗ്യ സംരക്ഷണത്തിന് ആദ്യം വരച്ചവരയില് നിര്ത്തേണ്ടത് കൊളസ്ട്രോളിനെ തന്നെയാണ്. വ്യായാമവും ചിട്ടയായ ജീവിതശൈലിയും ഒക്കെ ഇതില് നിര്ണ്ണായകമാണെങ്കിലും ഭക്ഷണത്തിലും ഏറെ ശ്രദ്ധിക്കാനുണ്ട്. താഴെ പറയുന്ന അഞ്ച് പച്ചക്കറികള് കൊളസ്ട്രോളിനെ നിയന്ത്രിക്കാന് ഏറെ ഗുണകരമാണ്.
ബ്രക്കോളി
വെള്ളത്തില് എളുപ്പത്തില് ലയിക്കുന്ന ഫൈബറിന്റെ സാന്നിധ്യം ഉയര്ന്ന അളവിലുള്ള ബ്രക്കോളി ഉയര്ന്ന കൊളസ്ട്രോളിനെ പ്രതിരോധിക്കുന്നതിന് മികച്ച ഉപാധിയാണ്. ബ്രക്കോളിയിലെ നിരവധി പോഷകങ്ങളും ഉയര്ന്ന നിലയില് സള്ഫര് അടങ്ങിയ സള്ഫറോഫൈനും ട്രൈഗ്ലിസറൈഡുകളുടെ നില നിയന്ത്രിച്ച് നിര്ത്തുന്നു. ദഹനവേളയില് ബ്രക്കോളിയിലെ ഫൈബര് പിത്തരസങ്ങളുമായി കൂടിച്ചേര്ന്ന് കൊളസ്ട്രോളിനെ ശരീരത്തില് നിന്നും വിസര്ജ്ജിക്കാന് സഹായിക്കുന്നു.
കാലെ
കാബേജ് വര്ഗ്ഗത്തില് പെട്ട ഇലച്ചെടിയായ കാലെയില് പൊട്ടാസ്യം, ഫൈബര്, ഫോളൈറ്റ്, കാല്സ്യം തുടങ്ങി ഹൃദയാരോഗ്യത്തിന് വളരെ മികച്ച നിരവധി ഘടകങ്ങള് ഉയര്ന്ന അളവില് അടങ്ങിയിരിക്കുന്നു. ഇവ കൂടാതെ നിരവധി വൈറ്റമിനുകളും ലൂട്ടിനും കാലെയില് കാണപ്പെടുന്നു.
കോളിഫ്ളവര്
പ്ലാന്റ് സ്റ്റിറോളുകളാല് സമ്പുഷ്ടമാണ് കോളിഫ്ളവര്. കൊളസ്ട്രോളിനെ ആഗിരണം ചെയ്യുന്നതില് നിന്നും കുടലിനെ തടയുന്ന ഒരു ലിപിഡ് ആണ് പ്ലാന്റ് സ്റ്റിറോള്. കോളിഫ്ളവറില് ഉള്ള സള്ഫൊറാറഫൈനും രക്തക്കുഴലുകളിലും കൊഴുപ്പ് അടിഞ്ഞുകൂടുന്നത് തടഞ്ഞ ചീത്ത കൊളസ്ട്രോളിനെ നിയന്ത്രിക്കാന് സഹായിക്കുന്നു.
റാഡിഷ്
ചീത്ത കൊളസ്ട്രോള് എന്നറിയപ്പെടുന്ന എല്ഡിഎല് കുറയ്ക്കാന് സഹായിക്കുന്ന ആന്തോസയാനിന്റെ മികച്ച സ്രോതസ്സാണ് റാഡിഷ്. റാഡിഷിലെ കാല്സ്യം, പൊട്ടാസ്യം, ആന്റി ഓക്സിഡന്റുകള് എന്നിവ ഉയര്ന്ന രക്തസമ്മര്ദ്ദം കുറയ്ക്കാനും ഹൃദ്രോഗങ്ങള് വരുന്നത് തടയാനും സഹായിക്കുന്നു. ദഹനം എളപ്പത്തിലാക്കുന്ന ഡയറ്ററി ഫൈബറും റാഡിഷില് അടങ്ങിയിരിക്കുന്നു.
ക്യാരറ്റ്
ഹൃദയത്തിന് പലരീതിയില് ഗുണം പകരുന്ന പച്ചക്കറിയാണ് ക്യാരറ്റ്. ക്യാരറ്റിലെ ബീറ്റ-കരോട്ടിന് ശരീരത്തിലെത്തുമ്പോള് വിറ്റാമിന് എ ആയി മാറുന്നു. രക്തത്തിലെ കൊളസ്ട്രോളിനെ കുറയ്ക്കാനും ഹൃദ്രോഗങ്ങളെ അകറ്റിനിര്ത്താനും സഹായിക്കുന്ന BCO1നിര്മ്മിക്കാന് ബീറ്റ-കരോട്ടിന് സഹായകരമാണ്. പിത്തരസത്തിന്റെ പുറന്തള്ളല്, കൊളസ്ട്രോള് ആഗിരണം, ആന്റിഓക്സിഡന്റുകളുടെ സ്ഥിതി എന്നിവയില് നിര്ണായ സ്വാധീനമുള്ളതിനാല് ക്യാരറ്റ് കഴിക്കുന്നത് ഹൃദയത്തിന് വളരെ നല്ലതാണ്. പെക്ടിന്റെ രൂപത്തിലാണ് ക്യാരറ്റില് ഫൈബറുള്ളത്. ഈ ഫൈബറിന്റെ കുടലില് വെച്ചുള്ള കൊളസ്ട്രോളിന്റെ ആഗിരണം തടയുന്നു.
