തിരുവനന്തപുരം: ഭൂകമ്പമുണ്ടായ തുർക്കിക്കും സിറിയക്കും ദുരിതാശ്വാസ സഹായമായി കേരളം പത്ത് കോടി രൂപ നൽകുമെന്ന് ധനമന്ത്രി കെ എൻ ബാലഗോപാൽ. നിയമസഭയിൽ ബജറ്റ് പ്രസംഗത്തിന് ശേഷമുള്ള മറുപടി പ്രസംഗത്തിലായിരുന്നു മന്ത്രിയുടെ പ്രഖ്യാപനം.
അതേസമയം, പെട്രോളിനും ഡീസലിനും ഏർപ്പെടുത്തിയ അധിക സെസ് പിൻവലിക്കില്ലെന്നും ധനമന്ത്രി പറഞ്ഞു. ഇതുൾപ്പെടെ ഒരു നികുതി വർദ്ധനയും പിൻവലിക്കില്ല. ഇതൊന്നും അസാമാന്യ ഭാരമുളള നികുതികളല്ലെന്നും കെ എൻ ബാലഗോപാൽ പറഞ്ഞു.
വിദേശത്ത് പോകുന്നതും കാറ് വാങ്ങലും ഒഴിവാക്കലല്ല ചെലവ് ചുരുക്കലെന്നും കെ എൻ ബാലഗോപാൽ പറഞ്ഞു. 42 ലക്ഷം ചെലവഴിച്ചത് ക്ലിഫ് ഹൗസിൽ നിർമ്മിച്ച തൊഴുത്തിനല്ലെന്നും ചുറ്റുമതിലടക്കം കെട്ടിയതിനാണ് ഈ തുക വന്നിരിക്കുന്നതെന്നും ധനമന്ത്രി ന്യായീകരിച്ചു.
Discussion about this post