തിരുവനന്തപുരം: ധനമന്ത്രി കെ.എൻ ബാലഗോപാലിന്റെ സുരക്ഷ വർദ്ധിപ്പിച്ചു. നികുതി വർദ്ധനവിനെതിരെ പ്രതിപക്ഷ പാർട്ടികൾ പ്രതിഷേധം ശക്തമാക്കിയ സാഹചര്യത്തിലാണ് നടപടി. ഇന്റലിജൻസ് നൽകിയ വിവരത്തിന്റെ അടിസ്ഥാനത്തിലാണ് സുരക്ഷ വർദ്ധിപ്പിക്കാനുള്ള തീരുമാനം.
ബജറ്റിന് ശേഷം ധനമന്ത്രിയ്ക്കെതിരെയും മറ്റ് മന്ത്രിമാർക്കെതിരെയും ശക്തമായ പ്രതിഷേധമാണ് ഉയരുന്നത്. കടുത്ത സമര മുറകളുമായി രംഗത്ത് വരുമെന്ന് ബിജെപിയും കോൺഗ്രസുമുൾപ്പെടെയുള്ള പാർട്ടികൾ വ്യക്തമാക്കിയിട്ടുണ്ട്്. യൂത്ത് ലീഗ് മന്ത്രിമാരെ വഴിയിൽ തടയുമെന്ന് കഴിഞ്ഞ ദിവസം യൂത്ത് ലീഗും അറിയിച്ചിരുന്നു. ഈ സാഹചര്യത്തിൽ മന്ത്രിമാരെ പ്രത്യേകിച്ച് ധനമന്ത്രിയെ വഴിയിൽ തടയാനും മന്ത്രിയ്ക്കെതിരെ കരിങ്കൊടികാണിക്കാനും ശ്രമമുണ്ടാകാം. ഇത് പരിഗണിച്ചാണ് സുരക്ഷ കൂട്ടുന്നത്.
ഔദ്യോഗിക വസതിയിലും യാത്രയിലുമാണ് മന്ത്രിയ്ക്ക് കൂടുതൽ സുരക്ഷ നൽകുക. ഇതിനായി കൂടുതൽ പോലീസുകാരെ ചുമതലപ്പെടുത്തും. ഇന്ന് നാല്് പോലീസ് വാഹനങ്ങളുടെ അകമ്പടിയോടെയാണ് മന്ത്രി നിയമസഭയിൽ എത്തിയത്.
Discussion about this post