ബംഗളൂരു : ഇന്ത്യ ഇന്ന് വികസനക്കുതിപ്പിലാണ്. വൻ നഗരങ്ങളെയും സംസ്ഥാനങ്ങളെയും ബന്ധിപ്പിച്ചുകൊണ്ട് നിർമ്മിച്ച ഹൈവേകളും എക്സ്പ്രസ് വേകളും ജനങ്ങളുടെ യാത്രാ സൗകര്യം വർദ്ധിപ്പിച്ചു. ഇപ്പോഴിതാ വന്ദേ ഭാരത് ട്രെയിനിന്റെയും എക്സ്പ്രസ് വേയുടെയും മനോഹരമായ വീഡിയോയാണ് സമൂഹമാദ്ധ്യമങ്ങളിൽ ശ്രദ്ധ നേടുന്നത്.
ബംഗളൂരു-മൈസൂരു എക്സ്പ്രസ് വേയുടെ താഴെയുള്ള പാതയിലൂടെ പോകുന്ന വന്ദേ ഭാരത് എക്സ്പ്രസാണ് വീഡിയോയിലുള്ളത്. കർണാടക ആരോഗ്യമന്ത്രി കെ സുധാകർ ആണ് 21 സെക്കന്റ് ദൈർഘ്യമുള്ള ഈ വീഡിയോ പങ്കുവെച്ചത്.
”10 വരി ബംഗളൂരു മൈസൂരു എക്പ്രസ് വേയും വന്ദേ ഭാരത് എക്സ്പ്രസും ഒരേ ഫ്രെയ്മിൽ. കേന്ദ്രത്തിലും കർണാടകയിലുമുള്ള ഇരട്ട എഞ്ചിൽ സർക്കാരുകൾ അടുത്ത തലമുറയ്ക്ക് വേണ്ടിയുളള അടിസ്ഥാന സൗകര്യങ്ങൾ എത്തിച്ചിരിക്കുകയാണ്” അദ്ദേഹം ട്വിറ്ററിൽ കുറിച്ചു.
10-lane Bengaluru-Mysuru Expressway and Vande Bharat Express in one frame!
Double Engine BJP Govts at the Centre and in Karnataka have delivered next generation infrastructure at a scale & speed that is unprecedented.@narendramodi @BSBommai @nitin_gadkari @AshwiniVaishnaw pic.twitter.com/WBU3wx0kbr
— Dr Sudhakar K (Modi ka Parivar) (@DrSudhakar_) February 9, 2023
കേന്ദ്ര സർക്കാരിന്റെ അഭിമാന പദ്ധതിയായ ഭാരത്മാല പരിയോജനയുടെ (ബിഎംപി) ഭാഗമായി 9,000 കോടി രൂപ ചെലവിലാണ് ബെംഗളൂരു-മൈസൂർ എക്സ്പ്രസ് വേ നിർമ്മിച്ചിരിക്കുന്നത്. പ്രധാനമന്ത്രി നരേന്ദ്ര മോദി മാർച്ചിൽ ഉദ്ഘാടനം നിർവ്വഹിക്കും. 119 കിലോമീറ്റർ നീളമുള്ള പാത രണ്ട് നഗരങ്ങൾക്കിടയിലുള്ള യാത്രാ സമയം പകുതിയായി കുറയ്ക്കും. മൈസൂരിൽ നിന്ന് 90 മിനിറ്റിനുള്ളിൽ വാഹനങ്ങൾക്ക് ബംഗളൂരുവിലെ കെങ്കേരിയിലെത്താനാകും.
Discussion about this post