ഭക്ഷണം കഴിഞ്ഞാൽ മധുരപ്രിയർ സ്ഥിരം പറയുന്ന ഒരു ഡയലോഗ് ആണ് ഇനിയല്പം ഡെസേർട്ടാകാം എന്നത്. എന്നാൽ നോക്കിയും കണ്ടും ഓർഡർ ചെയ്തില്ലെങ്കിൽ ചിലപ്പോൾ പോക്കറ്റ് കാലിയാകുന്നത് അറിയില്ല. പറഞ്ഞു വരുന്നത് ‘ഗോള്ഡന് ഒപുലന്സ് സുഡെയ്ന്’ എന്ന ഡെസേർട്ടിനെ പറ്റിയാണ്. ഏകദേശം 80000 രൂപയാണ് ഇതിന്റെ വില. അതെന്താ സ്വർണം കൊണ്ടാണോ ഉണ്ടാക്കിയിരിക്കുന്നത് എന്ന് ചോദിച്ചാൽ ഉത്തരം അതേ എന്നാണ്.
ലോകത്തിലെ തന്നെ ഏറ്റവും വില കൂടിയ ഡെസേര്ട്ട് എന്ന നിലയിൽ ഗിന്നസ് വേള്ഡ് റെക്കോഡും ഉണ്ട് ഈ വിഭവത്തിന്റെ പേരിൽ. അമേരിക്കയിലെ ന്യൂയോര്ക്ക് സിറ്റിയില് പ്രവര്ത്തിക്കുന്ന സെറെന്ഡിപിറ്റി 3 എന്ന റെസ്റ്റൊറന്റാണ് ഈ ഡെസ്സേര്ട്ട് തയ്യാറാക്കിയിരിക്കുന്നത്. 2022 ലാണ് ഈ വിഭവം ആദ്യമായി അവതരിപ്പിച്ചത് .തഹിതിയന് വനില ഐസ്ക്രീം, മഡഗാസ്കര് വനില എന്നിവയെല്ലാമാണ് ഡെസേര്ട്ടിലെ പ്രധാന ചേരുവകളാണ്.
ഏറ്റവും വിലയേറിയ ഇറ്റലിയില് നിന്നുള്ള ഡാര്ക്ക് ചോക്ക്ലേറ്റ്, പാരിസില് നിന്നുള്ള കാന്ഡൈഡ് പഴം, ട്രൂഫ്ലെസ് എന്നിവയെല്ലാം ചേര്ത്താണ് ഈ സ്പെഷ്യല് ഡെസേര്ട്ട് തയ്യാറാക്കുന്നത്. മാത്രമല്ല, ഏറ്റവും ഒടുവിൽ സ്വര്ണം പൂശിയ പൂവുകൂടി ഇതിന് മുകളില് അലങ്കാരമായി വയ്ക്കുന്നു. അതിനാൽ തന്നെയാണ് വിഭവത്തിന്റെ പേര് ഗോള്ഡന് ഒപുലന്സ് സുഡെയ്ന് എന്നായതും.
