കീവ് : റഷ്യൻ പ്രസിഡന്റ് വ്ലാഡിമിർ പുടിൻ ഉടൻ തന്നെ കൊല്ലപ്പെടുമെന്ന് യുക്രെയ്ൻ പ്രസിഡന്റ് വ്ലോഡിമിർ സെലൻസ്കി. പുടിന്റെ ഒപ്പമുള്ളവർ തന്നെ അദ്ദേഹത്തെ ഇല്ലാതാക്കും എന്നാണ് സെലൻസ്കി പരാമർശിച്ചത്. റഷ്യ യുക്രെയ്നിൽ അധിനിവേശം ആരംഭിച്ച് ഒരു വർഷം തികയുന്ന ദിവസം പുറത്തിറക്കിയ ”ഇയർ” എന്ന ഡോക്യുമെന്ററിയിലാണ് ഇക്കാര്യം അറിയിക്കുന്നത്. റഷ്യൻ പ്രസിഡന്റിന്റെ നേതൃത്വത്തിൽ രാജ്യത്ത് ബുദ്ധിമുട്ട് അനുഭവപ്പെടുമെന്നും ഇത് പുടിനെതിരെ പ്രവർത്തിക്കാൻ അദ്ദേഹത്തിന്റെ സഹായികളെ പ്രേരിപ്പിക്കുമെന്നും സെലൻസ്കി കൂട്ടിച്ചേർത്തു.
പുടിൻ രാജ്യത്തെ ദുർബലമാക്കിക്കൊണ്ടിരിക്കുകയാണ്. അധികം വൈകാതെ ജനങ്ങളിൽ ഇത് പ്രകടമായിത്തുടങ്ങും. അങ്ങനെ വേട്ടക്കാർ ചേർന്ന് പ്രധാന വേട്ടക്കാരനെ വീഴ്ത്തും. ഒരു കൊലയാളിയെ കൊല്ലാനുള്ള കാരണം അവർ കണ്ടെത്തും. അന്ന് എല്ലാവരും താൻ പറഞ്ഞത് ഓർക്കും. എന്നാൽ ഇതെല്ലാം എപ്പോൾ സംഭവിക്കുമെന്നോ എങ്ങനെ സംഭവിക്കുമെന്നോ തനിക്ക് അറിയില്ലെന്നും സെലൻസ്കി പറഞ്ഞു.
പുടിൻ കാരണമുണ്ടാകുന്ന പ്രശ്നങ്ങളെക്കുറിച്ചുളള റിപ്പോർട്ടുകൾ റഷ്യയിൽ നിന്ന് പുറത്തുവന്നിരുന്നു. അദ്ദേഹത്തിന്റെ അടുത്ത അനുയായികൾ പോലും പുടിൻറെ പ്രവൃത്തികളിൽ നിരാശപ്പെട്ടിരിക്കുകയാണ്. യുദ്ധ സമയത്ത് പകർത്തിയ വീഡിയോകളിൽ റഷ്യൻ സൈനികർ പരാതിപ്പെടുന്നതും കരയുന്നതും കാണാം. ഇതിനോട് പ്രതികരിക്കാൻ റഷ്യ തയ്യാറായിട്ടില്ല.
അതേസമയം യുക്രയ്ൻ നമ്മുടം നാടാണെന്നും രാജ്യത്തിന്റെ പതാക എല്ലാ കോണുകളിലും എത്തിക്കുമെന്നും സെലൻസ്കി പറഞ്ഞു. ‘ഇത് നമ്മുടെ നാടാണ്, നമ്മുടെ ആളുകളാണ്, നമ്മുടെ ചരിത്രമാണ്. യുക്രെയ്നിന്റെ എല്ലാ കോണുകളിലും ഞങ്ങൾ രാജ്യത്തിന്റെ പതാക ഉയർത്തും,’ അദ്ദേഹം ട്വിറ്ററിൽ കുറിച്ചു.
Discussion about this post