ലണ്ടൻ: ഇസ്ലാമിക വിശ്വാസികൾ പുണ്യമാസമായി ആചരിക്കുന്ന റമദാനിൽ ഇസ്രായോലിൽ നിന്നുള്ള ഈന്തപ്പഴം കഴിക്കരുതെന്ന് ആഹ്വാനം. പലസ്തീൻ അനുകൂല സംഘടനയായ ഫ്രണ്ട്സ് ഓഫ് അൽഅഖ്സയാണ് യൂറോപ്പിലെ മുസ്ലീങ്ങൾക്ക് മുൻപിൽ ഇത്തരത്തിലൊരു ആവശ്യം മുന്നോട്ട് വച്ചത്.
ഇതിന്റെ ഭാഗമായി ചെക് ദ ലേബൽ എന്ന ഹാഷ്ടാഗ് പ്രചരണവും സംഘടന ആരംഭിച്ചിട്ടുണ്ട്. നോമ്പ് മുറിക്കാനുള്ള ഈന്തപ്പഴം വാങ്ങുമ്പോൾ ഇസ്രായേലിൽ നിന്നുള്ളതല്ലെന്ന് പാക്കേജിംഗിലെ ലേബലുകൾ പരിശോധിച്ച് ഉറപ്പ് വരുത്താൻ നിർദ്ദേശമുണ്ട്.
ഈ റമദാനിൽ ഇസ്രയേലിൽ നിന്നുള്ള ഈന്തപ്പഴം വാങ്ങേണ്ടെന്ന് തീരുമാനിക്കുന്നതിലൂടെ മുസ്ലീം സമൂഹത്തിന് പാലസ്തീനിലെ ഇസ്രായേലിന്റെ നിയമവിരുദ്ധമായ അധിനിവേശത്തെയും വർണ്ണവിവേചനത്തെയും അപലപിക്കുന്ന വ്യക്തവും ശക്തവുമായ സന്ദേശം അയയ്ക്കാൻ കഴിയുമെന്നാണ് ഫ്രണ്ട്സ് ഓഫ് അൽഅഖ്സ നേതാവ് ഷാമിയുൾ ജോർഡറുടെ വാദം.
Discussion about this post