ഹിന്ദുപെൺകുട്ടികളെ മതം മാറ്റുന്നതിനെതിരെ പാകിസ്താനിൽ വൻ പ്രതിഷേധ മാർച്ച്

ഇസ്ലമാബാദ്: രാ​ജ്യ​ത്തെ ഹി​ന്ദു പെ​ണ്‍​കു​ട്ടി​ക​ളെ​യും സ്ത്രീ​ക​ളെ​യും നി​ര്‍​ബ​ന്ധി​ത മ​ത​പ​രി​വ​ര്‍​ത്ത​ന​ത്തി​നും വി​വാ​ഹ​ത്തി​നും ഇ​ര​യാ​ക്കു​ന്ന​തി​നെ​തി​രെ പാകിസ്താനിൽ വൻ പ്രതിഷേധം. ക​റാ​ച്ചി​യി​ല്‍ ആണ് പ്ര​തി​ഷേ​ധ​മാ​ര്‍​ച്ച് സംഘടിപ്പിച്ചത്. പാകി​സ്താനിലെ  ദാ​രാ​വ​ര്‍ ഇ​ത്തി​ഹാ​ദ് (പി​ഡി​ഐ) എ​ന്ന  സം​ഘ​ട​ന​യാ​ണ് പ്രതിഷേധത്തിന് നേതൃത്വം നൽകിയത്.

ന്യൂ​ന​പ​ക്ഷ ഹി​ന്ദു സ​മു​ദാ​യ​ത്തി​ലെ നി​ര​വ​ധി അം​ഗ​ങ്ങ​ള്‍ മാ​ര്‍​ച്ചി​ല്‍ പ​ങ്കെ​ടു​ത്തു.  ക​റാ​ച്ചി പ്ര​സ് ക്ല​ബ്ബി​ന് പു​റ​ത്തും, സി​ന്ധ് അ​സം​ബ്ലി മ​ന്ദി​ര​ത്തി​ന്റെ ക​വാ​ട​ത്തി​ലുമാണ് ദാരാവർ ഇത്തിഹാദ് അംഗങ്ങൾ  പ്ര​തി​ഷേ​ധവുമായി ഒത്തുകൂടിയത്.

”സി​ന്ധി​ലെ ഹി​ന്ദു​ക്ക​ള്‍ നേ​രി​ടു​ന്ന ഈ ​വ​ലി​യ പ്ര​ശ്‌​നം ഉ​യ​ര്‍​ത്തി​ക്കാ​ട്ടാ​നാണ് ഞങ്ങളുടെ ഈ പ്രതിഷേധം.   12 ഉം 13 ​ഉം വ​യ​സു​ള്ള പെ​ണ്‍​കു​ട്ടി​ക​ളെ പ​ട്ടാ​പ്പ​ക​ല്‍ ത​ട്ടി​ക്കൊ​ണ്ടു​പോ​യി ഇ​സ്ലാം മ​തം സ്വീ​ക​രി​ക്കാ​ന്‍ നി​ര്‍​ബ​ന്ധി​ത​രാ​ക്കു​ക​യും തു​ട​ര്‍​ന്ന് പ്രാ​യ​മാ​യ മു​സ്ലീം പു​രു​ഷ​ന്മാ​രെ​കൊ​ണ്ട് വി​വാ​ഹം ക​ഴി​പ്പി​ക്കു​ക​യും ചെ​യ്യു​ന്നു. പ്രതിഷേധക്കാർ വ്യക്തമാക്കി.

പ്രതിഷേധം സംഘടിപ്പിച്ച പ്രദേശങ്ങളിൽ വൻ പോലീസ് സന്നാഹത്തെയാണ് നിയോഗിച്ചത്. പ്രതിഷേധം സമാധാനപരമായിരുന്നു.  ഈ പ്രതിഷേധം സർക്കാരിൻറെ ശ്രദ്ധയിൽപ്പെട്ടുകാണുമെന്നും പ്രശ്നത്തിന് പരിഹാരമുണ്ടാകുമെന്ന് പ്രതീക്ഷിക്കുന്നതായും സംഘടാനാ ഭാരവാഹികൾ മാദ്ധ്യമങ്ങളോട് പ്രതികരിച്ചു.