ആലപ്പുഴ : കുട്ടനാട്ടിലെ കള്ളുഷാപ്പിൽ കുട്ടികൾക്കൊപ്പമിരുന്ന് മുതിർന്നവർ മദ്യപിക്കുന്ന വീഡിയോ വൈറലായതോടെ കേസെടുത്ത് എക്‌സൈസ്. ഇന്ന് വൈകീട്ടോടെയാണ് ഈ വീഡിയോ സമൂഹമാദ്ധ്യമങ്ങളിൽ പ്രചരിച്ചത്. കുട്ടനാട് മീനപ്പളളി കള്ളുഷാപ്പിനെ ദൃശ്യങ്ങളാണ് പുറത്തുവന്നത്.
കുട്ടികളെ കളളുഷാപ്പിൽ കയറ്റുകയും അവർക്കൊപ്പമിരുന്ന് മുതിർന്നവർ മദ്യപിക്കുകയും ചെയ്യുന്നത് വീഡിയോയിൽ കാണാം. കള്ളുഷാപ്പിൽ കുട്ടികളെ കയറ്റിയതിനെതിരെയാണ് കേസ്.
എക്‌സൈസ് ഉദ്യോഗസ്ഥൻ കള്ളുഷാപ്പിൽ എത്തി അന്വേഷണം നടത്തിയ ശേഷം വീഡിയോയിലുണ്ടായിരുന്നവർക്ക് നോട്ടീസ് അയച്ചു. നാളെ മുതൽ നടപടി ആരംഭിക്കുമെന്നാണ് അറിയിച്ചിരിക്കുന്നത്.
Discussion about this post