നിങ്ങളെപ്പോലെയാകണം;സ്വപ്‌നങ്ങൾ തുറന്നുപറഞ്ഞ് കുരുന്നുകൾ; വിശേഷങ്ങൾ പങ്കുവെച്ച് പ്രധാനമന്ത്രി

ബംഗളൂരു : കർണാടകയിൽ തിരഞ്ഞെടപുപ്പ് പ്രചാരണത്തിനിടെ കുട്ടികളുമായി സമയം ചെലവഴിച്ച് പ്രധാനമന്ത്രി നരേന്ദ്ര മോദി. കർണാടകയിലെ കലബുറഗിയിലുള്ള സ്‌കൂൾ വിദ്യാർത്ഥികളുമായാണ് പ്രധാനമന്ത്രി വിശേഷങ്ങൾ പങ്കുവെച്ചത്. റോഡരികിൽ മോദിയെ കാത്തുനിന്ന കുരുന്നുകളുടെ അടുത്തേക്ക് അദ്ദേഹം സന്തോഷത്തോടെ പോകുകയായിരുന്നു. തുടർന്ന് അവരുടെ ആഗ്രഹങ്ങളും സ്വപ്‌നങ്ങളും ചോദിച്ചറിഞ്ഞു.

എല്ലാവരും സ്‌കൂളിൽ പോകുന്നുണ്ടോ എന്നാണ് പ്രധാനമന്ത്രി അവരോട് ചോദിച്ചത്. ഇതിന് ഉണ്ടെന്ന് കുട്ടികൾ മറുപടി നൽകി. തുടർന്ന് അവർക്ക് കൈകൊണ്ടുള്ള ചില വിദ്യകൾ പഠിപ്പിച്ച പ്രധാനമന്ത്രി അവരുടെ ആഗ്രങ്ങൾ ചോദിച്ചു.

#WATCH | Karnataka: Prime Minister Narendra Modi had a light-hearted interaction with children in Kalaburagi earlier today, before the roadshow here. pic.twitter.com/HYOoei56xf

— ANI (@ANI) May 2, 2023

ചിലർ പോലീസ് ആകണമെന്നാണ് പറഞ്ഞത്. മറ്റൊരു കുട്ടി ഡോക്ടർ ആകണമെന്ന് പറഞ്ഞു. മറ്റൊരു വിദ്യാർത്ഥി പ്രധാനമന്ത്രിയുടെ സുരക്ഷാ ഉദ്യോഗസ്ഥനെപ്പോലെയാകണമെന്ന് പറഞ്ഞു. ചിലർ നിങ്ങളെപ്പോലെ ആകണമെന്ന ആഗ്രഹവും പ്രകടിപ്പിച്ചു.

ആർക്കും പ്രധാനമന്ത്രി ആകണ്ടേ എന്നാണ് നരേന്ദ്ര മോദി കുട്ടികളോട് അപ്പോൾ ചോദിച്ചത്. പ്രധാനമന്ത്രിയാകാനും അവരോട് അദ്ദേഹം നിർദ്ദേശിച്ചു.

മൂന്നു ദിവസത്തെ സന്ദർശനത്തിനായി കർണാടകയിലെത്തിയ പ്രധാനമന്ത്രി മോദി കലബുർഗിയിൽ വമ്പൻ റോഡ് ഷോയും സംഘടിപ്പിച്ചു. ആയിരക്കണക്കിന് ആളുകളാണ് മോദിയെ കാണാൻ റോഡരികിൽ വരിവരിയായി കാത്തുനിന്നത്.