ഇടുക്കി: കട്ടപ്പനയിൽ പ്രായപൂർത്തിയാകാത്ത പെൺകുട്ടി പ്രസവിച്ചു. വണ്ടൻമേട് സ്വദേശിനിയായ 17 കാരിയാണ് പ്രസവിച്ചത്. സംഭവവുമായി ബന്ധപ്പെട്ട് സുഹൃത്തായ യുവാവിനെ അറസ്റ്റ് ചെയ്തു.
ഫെബ്രുവരിയിൽ ആയിരുന്നു പെൺകുട്ടി പ്രസവിച്ചത്. എന്നാൽ ഇക്കാര്യം അതീവ രഹസ്യമായി സൂക്ഷിക്കുകയായിരുന്നു. എന്നാൽ കഴിഞ്ഞ ദിവസം ഇതുമായി ബന്ധപ്പെട്ട വിവരം ചൈൽഡ്ലൈൻ പ്രവർത്തകർക്ക് ലഭിച്ചു. ഇതോടെ വീട്ടിൽ വന്ന് പരിശോധന നടത്തുകയായിരുന്നു.
കഴിഞ്ഞ ഒരു വർഷക്കാലമായി യുവാവും യുവതിയും ഒന്നിച്ചാണ് താമസിച്ചിരുന്നത്. ഇതിനിടെയായിരുന്നു പെൺകുട്ടി ഗർഭിണിയായത്. സ്ഥലത്ത് എത്തി അന്വേഷണം നടത്തിയ ചൈൽഡ് ലൈൻ പ്രവർത്തകർ പോലീസിന് റിപ്പോർട്ട് സമർപ്പിച്ചിരുന്നു. ഇതിന്റെ അടിസ്ഥാനത്തിലാണ് യുവാവിനെ അറസ്റ്റ് ചെയ്തത്. യുവാവിനെതിരെ പോക്സോ നിയമ പ്രകാരം നടപടി സ്വീകരിച്ചേക്കും.
അടുത്തിടെ ഇടുക്കിയിൽ സ്കൂൾ വിദ്യാർത്ഥിനി വീട്ടിൽ പ്രസവിച്ചിരുന്നു. ഇതിന് പിന്നാലെയാണ് പ്രായപൂർത്തിയാകാത്ത പെൺകുട്ടി പ്രസവിക്കുന്ന മറ്റൊരു സംഭവം റിപ്പോർട്ട് ചെയ്യുന്നത്. അന്നുണ്ടായ സംഭവത്തിൽ പ്രായപൂർത്തിയാകാത്ത പെൺകുട്ടിയുടെ ആൺ സുഹൃത്തിനെ അറസ്റ്റ് ചെയ്തിരുന്നു.
Discussion about this post