കശ്മീരെന്നാല് ചിലര്ക്ക് വെടിയൊച്ചകളുടെയും കലാപത്തിന്റെയും ഭൂമിയാണ്. എന്നാല് കണ്ണുതുറന്ന് നോക്കുന്നവര്ക്ക് അവിടം പ്രകൃതിയുടെ സൗന്ദര്യം മുഴുവന് നെഞ്ചേറ്റുന്ന സ്വര്ഗ്ഗമാണ്. കശ്മീരിന്റെ സൗന്ദര്യം അടുത്തറിഞ്ഞവര്ക്ക് ചുറ്റുമുള്ളതെന്തിലും കലാപമല്ല, കവിത കാണാനാകും. അതിനുള്ള തെളിവാണ് ശ്രീനഗറില് നിന്നുള്ള യുവ കവയത്രിയായ അസ്മ സാരൂവിന്റെ കവിതകള്.
വിദ്യാഭ്യാസ പ്രവര്ത്തകയായ അസ്മയ്ക്ക് കവിതയെഴുത്ത് അഭിനിവേശമാണ്. പ്രകൃതിയൊരുക്കുന്ന താളസ്വരലയവും അതിനെ പൊതിയുന്ന സൗന്ദര്യവുമാണ് അസ്മയെ എഴുത്തിന്റെ ലോകത്തേക്ക് എത്തിച്ചത്. ഭൂമിയിലേക്ക് പതിക്കുന്ന മഴത്തുള്ളികളുടെ ശബ്ദവും കിളിക്കൊഞ്ചലുകളും പ്രകൃതിയെ വരച്ചിട്ടിരിക്കുന്ന നിറങ്ങളുമെല്ലാമാണ് തന്നെ ആദ്യമായി എഴുതാന് പ്രേരിപ്പിച്ചതെന്ന് അസ്മ പറയുന്നു. പ്രകൃതിയിലെ എല്ലാം ഒരു താളത്തിനൊത്താണ് മുമ്പോട്ടുനീങ്ങുന്നത്. ഈ തിരിച്ചറിവാണ് തന്നിലെ കവയത്രിയെ ഉണര്ത്തിയത്. വായനക്കാരെ വികാരങ്ങളുടെയും ആത്മപരിശോധനയുടെയും ലോകത്തേക്ക് കൂട്ടിക്കൊണ്ടുപോകുന്നതാണ് അസ്മയുടെ കവിതകള്.
കവിതകള് അസ്മയ്ക്ക് സ്വയം പ്രതിഫലിപ്പിക്കാനുള്ള ഒരു വഴിയാണ്. തന്റെ നിരന്തരമായ വളര്ച്ചയുടെ അടയാളമാണ്. എഴുത്തുകാരിയെന്ന നിലയിലും വായനക്കാരി എന്ന നിലയിലും വാക്കുകളില് പൂര്ണ്ണമായും സമര്പ്പിച്ചുകൊണ്ടാണ് അസ്മ കവിത എഴുതുന്നത്. അവളുടെ ആത്മാര്ത്ഥതയും ആത്മപരിശോധനും വളര്ച്ചയുമെല്ലാം ആ കവിതകളില് നിന്നും വായിച്ചെടുക്കാനാകും. കവിത എഴുതിക്കഴിഞ്ഞാല്, അത് വായിക്കാനും സൂക്ഷ്മപരിശോധനയ്ക്കുമായി അവള് കുറച്ചധികം നേരം മാറ്റിവെക്കാറുണ്ട്.
എഴുത്തിന്റെ ലോകത്തെ ഏതൊരു തുടക്കക്കാരെയും പോലെ അസ്മയ്ക്കും ഒരുപാട് വെല്ലുവിളികള് നേരിടേണ്ടി വന്നിട്ടുണ്ട്. കവിതകള് പ്രസിദ്ധീകരിക്കുന്നതിന് പല ഓണ്ലൈന് പ്ലാറ്റ്ഫോമുകളും ഫീസുകള് ആവശ്യപ്പെടാറുണ്ട്. എന്നാല് സാമ്പത്തികമായ പരിമിതികള് കലയ്ക്കും യഥാര്ത്ഥ കഴിവുകള്ക്കും തടസ്സമാകരുതെന്ന് കരുതുന്നയാളാണ് അസ്മ. അതിനാല് ഇത്തരം വെല്ലുവിളികളെയെല്ലാം മറികടന്ന് തന്റെ ആദ്യ പുസ്തകം ഇ-ബുക്ക് ആയി സ്വയം പ്രസിദ്ധീകരിക്കുകയാണ് അസ്മ ചെയ്തത്. ഇതിനായി ഒരു രൂപ പോലും അസ്മയ്ക്ക് മുടക്കേണ്ടി വന്നില്ല. നിശ്ചയദാര്ഢ്യവും സ്വന്തം കഴിവിലുള്ള വിശ്വാസവും മാത്രമായിരുന്നു ആദ്യ സംരംഭത്തിന് വേണ്ടിയുള്ള കൈമുതല്. എന്റെ തലയിണയില് നിന്നും എന്ന ആദ്യ പുസ്തകം പല ഘട്ടങ്ങളിലൂടെയുള്ള ജീവിതത്തെ കുറിച്ചാണ് പറയുന്നത്. തിരിച്ചറിവ്, പ്രതീക്ഷ, പോസ്റ്റിവിറ്റി എന്നിവയാല് സമ്പന്നമാണ് അതിലെ ഓരോ കവിതയും.
സ്വന്തം സംതൃപ്തിയേക്കാളും കവിത എഴുത്തിലൂടെ ഇംഗ്ലീഷ് സാഹിത്യത്തിന് തന്റേതായ സംഭാവന നല്കണമെന്ന ആഗ്രഹവും അസ്മയ്ക്കുണ്ട്. കവിതയെഴുത്തിന് പുറമേ, സംസ്കാരങ്ങളെ അടുത്തറിയുക, പ്രകൃതിയുടെ ശബ്ദങ്ങള്ക്ക് കാതോര്ക്കുക, വിദ്യാഭ്യാസ പ്രവര്ത്തകയെന്ന നിലയില് യുവാജനങ്ങളുമായി തന്റെ അറിവുകള് പങ്കുവെക്കുക തുടങ്ങിയവും അസ്മയുടെ ഹോബികളാണ്.
Discussion about this post