വ്യാഴത്തെക്കാൾ 13 മടങ്ങ് വലിപ്പമുള്ള ഗ്രഹം കണ്ടെത്തി ഇന്ത്യൻ ശാസ്ത്രജ്ഞർ. അഹമ്മദാബാദിലെ ഫിസിക്കൽ റിസർച്ച് ലബോറട്ടറിയിലെ പ്രൊഫസർ അഭിജിത് ചക്രവർത്തിയുടെ നേതൃത്വത്തിലുള്ള ശാസ്ത്രജ്ഞരുടെ സംഘമാണ് കണ്ടെത്തലിന് പിന്നിൽ. ഇന്ത്യയിൽ നിന്നായി ഫിസിക്കൽ ലബോറട്ടറിയിലെ ശാസ്ത്രജ്ഞർ കണ്ടെത്തുന്ന മൂന്നാമത്തെ എക്സോപ്ലാനറ്റാണിത്. അസ്ട്രോണമി ആൻഡ് ആസ്ട്രോഫിസിക്സ് ലെറ്റേഴ്സ് എന്ന ജേണലിലാണ് ഇതിന്റെ വിശദാംശങ്ങൾ പ്രസിദ്ധീകരിച്ചിരിക്കുന്നത്.
പുതുതായി കണ്ടെത്തിയ ഗ്രഹം എച്ചഡി 245134 എന്ന നക്ഷത്രത്തെ ചുറ്റുന്നതാണ്. ഇന്ത്യയ്ക്ക് പുറമെ ജർമ്മനി, സ്വിറ്റ്സർലന്റ്, യുഎസ്എ എന്നിവിടങ്ങളിൽ നിന്നുള്ള ശാസ്ത്രജ്ഞരും സംഘത്തിൽ ഉൾപ്പെട്ടിട്ടുണ്ട്. എച്ചഡി 245134ബി എന്നാണ് ഗ്രഹത്തിന് താത്കാലികമായി പേരിട്ടിരിക്കുന്നത്. ഭൂമിയിൽ നിന്ന് 731 പ്രകാശവർഷം അകലെ സ്ഥിതി ചെയ്യുന്ന ഈ ഗ്രഹം ഓരോ 7.24 ദിവസത്തിലും അതിന്റെ നക്ഷത്രത്തെ ചുറ്റുന്നു. 1396 ഡിഗ്രി സെൽഷ്യസാണ് ഈ ഗ്രഹത്തിലെ താപനിലം.
ഭൂമിക്ക് പുറത്ത് ജീവന് സാധ്യതയുള്ള ഗ്രഹങ്ങൾ ശാസ്ത്രജ്ഞർ ഏറെക്കാലമായി കണ്ടെത്താൻ ശ്രമിക്കുന്നത്. സൗരയൂഥത്തിന് പുറത്ത് വ്യത്യസ്ത സവിശേഷതകളും അന്തരീക്ഷവുമുള്ള അയ്യായിരത്തിലധികം എക്സോപ്ലാനറ്റുകളാണ് ശാസ്ത്രജ്ഞർ ഇതുവരെ കണ്ടെത്തിയിരിക്കുന്നത്.
Discussion about this post