തിരുവനന്തപുരം: തെക്ക് പടിഞ്ഞാറൻ കാലവർഷം രണ്ടോ മൂന്നോ ദിവസത്തിനകം കന്യാകുമാരിയിലും മാലദ്വീപിലും എത്തുമെന്ന് കാലാവസ്ഥാ വകുപ്പ്. നിലവിൽ ആൻഡമാൻ നിക്കോബാർ ദ്വീപുകളിലും ബംഗാൾ ഉൾക്കടലിന്റെ തെക്ക് കിഴക്കൻ, കിഴക്ക് മധ്യ ഭാഗങ്ങളിലും കാലവർഷം എത്തിക്കഴിഞ്ഞു.
കേരളത്തിൽ ശനിയാഴ്ചയോടെ കാലവർഷം എത്തുമെന്നാണ് കാലാവസ്ഥാ വകുപ്പ് നേരത്തെ അറിയിച്ചിരുന്നത്. ഈ പ്രവചനത്തിൽ മാറ്റമൊന്നും വരുത്തിയിട്ടില്ല. കാലവർഷത്തിന് മുന്നോടിയായി വരും ദിവസങ്ങളിലും മഴ ശക്തിയായി തുടരാനാണ് സാധ്യത. തെക്കൻ ജില്ലകളിലാകും കൂടുതൽ മഴ ലഭിക്കുന്നത്.ശക്തമായ മഴയ്ക്ക് സാധ്യത ഉള്ളതിനാൽ വരും ദിവസങ്ങളിലും പല ജില്ലകളിലും യെല്ലോ അലർട്ട് നൽകിയിട്ടുണ്ട്.
ഇന്നും നാളെയും ഇടുക്കി ജില്ലയിലും രണ്ടാം തിയതി പത്തനംതിട്ട, ഇടുക്കി ജില്ലകളിലും മൂന്നാം തിയതി പത്തനംതിട്ട, ഇടുക്കി, ആലപ്പുഴ ജില്ലകളിലുമാണ് യെല്ലോ അലർട്ട് പ്രഖ്യാപിച്ചിരിക്കുന്നത്.
Discussion about this post