കൊറോണ കാലത്തിന് ശേഷം സമൂഹമാദ്ധ്യമങ്ങൾ വരുമാനമായി സ്വീകരിച്ചവരുടെ എണ്ണം കുത്തനെയാണ് വർദ്ധിച്ചത്. യൂട്യൂബിലൂടെ താരപരിവേഷം ലഭിച്ചവരും ജീവിതം തന്നെ രക്ഷപ്പെട്ടവരും അനവധി. ഇപ്പോഴിതാ, യൂട്യൂബിൽ കണ്ടെന്റ് അപ്ലോഡ് ചെയ്ത് വരുമാനമുണ്ടാക്കുന്നവർക്ക് ഒരു സന്തോഷവാർത്ത. മോണടൈസേഷൻ വലിയ മാറ്റങ്ങൾ വരുത്തിയിരിക്കുകയാണ് കമ്പനി. വീഡിയോകളിൽ നിന്ന് വരുമാനം നേടുന്നതിനായി യൂട്യൂബ് പാർട്ണർ പ്രോഗ്രാമിൽ ചേരാനുള്ള നിബന്ധനങ്ങളിൽ കമ്പനി വരുത്തിയ ഇളവ് കണ്ട് ഞെട്ടിയിരിക്കുകയാണ് ഉപയോക്താക്കൾ.
ആയിരം സബ്സ്ക്രൈബേഴ്സ്, ഒരു വർഷത്തിനിടെ 4000 മണിക്കൂർ കാഴ്ചകൾ, അല്ലെങ്കിൽ 90 ദിവസത്തിനിടെ ഒരു കോടി ഷോർട്സ് വ്യൂ എന്നിവയാണ് നിലവിലുള്ള നിർബന്ധനങ്ങൾ. പുതുക്കിയ നിയമപ്രകാരം 500 സബ്സ്ക്രൈബേഴ്സ്, 90 ദിവസത്തിനിടെ കുറഞ്ഞത് മൂന്ന് അപ്ലോഡുകൾ ഒരു വർഷത്തിനിടെ 3000 മണിക്കൂർ കാഴ്ചകൾ അല്ലെങ്കിൽ 90 ദിവസത്തിനുള്ളിൽ 30 ലക്ഷം ഷോർട്സ് വ്യൂ എന്നിവ ഇനി മുതൽ മതി.സൂപ്പർ താങ്ക്സ് , സൂപ്പർ ചാറ്റ് , സൂപ്പർ സ്റ്റിക്കറുകൾ തുടങ്ങിയ ടിപ്പിംഗ് ടൂളുകളിലേക്കും ചാനൽ അംഗത്വങ്ങൾ പോലുള്ള സബ്സ്ക്രിപ്ഷൻ ടൂളുകളിലേക്കും ഇനി താരതമ്യേന എളുപ്പത്തിൽ കടക്കാനാവും
യുഎസ്, യുകെ, കാനഡ, തായ്വാൻ, ദക്ഷിണ കൊറിയ എന്നിവിടങ്ങളിൽ കമ്പനി ഈ പുതിയ നിബന്ധന കൊണ്ടുവന്നു കഴിഞ്ഞു. ഇന്ത്യയിലും അധികം താമസിയാതെ തന്നെ എത്തും. വാച്ച് അവർ കുറച്ചത് കണ്ടന്റെ ക്ഷാമം നേരിടുന്ന ക്രിയേറ്റേർസിന് വലിയ അനുഗ്രഹമായി തീരുമെന്നാണ് പ്രതീക്ഷ. നിബന്ധനകളിൽ ഇളവ് വന്നതോടെ ഇനിയും കൂടുതർ പേർ യൂട്യൂബ് കണ്ടന്റ് ക്രിയേറ്ററായി മാറുമെന്നാണ് കമ്പനി കണക്കുകൂട്ടുന്നത്.
Discussion about this post