ഒന്നും രണ്ടുമല്ല 13 അന്താരാഷ്ട്ര ബഹുമതികൾ; 9 വർഷത്തിനിടെ നരേന്ദ്രമോദിയെ ആദരിച്ച് സ്വീകരിച്ച രാജ്യങ്ങൾ

ന്യൂഡൽഹി: പ്രധാനമന്ത്രി നരേന്ദ്രമോദിയെ പരമോന്നത ബഹുമതിയായ ഓഡർ ഓഫ് നെൽ നൽകി ആദരിച്ചിരിക്കുകയാണ് ഈജിപ്ത്. ഈജിപ്ത് പ്രസിഡന്റ് അബ്ദുൽ ഫത്താഹ് എൽ-സിസി പ്രധാനമന്ത്രി നരേന്ദ്ര മോദിയ്ക്ക് സമ്മാനിച്ചു. മോദിയുടെ ഈജിപ്ത് സന്ദർശനവേളയിലായിരുന്നു രാഷ്ട്രത്തലവൻ വിശിഷ്ടാതിഥിയ്ക്ക് ബഹുമതി കൈമാറിയത്.

2014ൽ പ്രധാനമന്ത്രിയായി ചുമതലയേറ്റ ശേഷം ലഭിക്കുന്ന 13-ാമത്തെ അന്താരാഷ്ട്ര പുരസ്‌കാരമാണിത്.നരേന്ദ്രമോദിയെ ലോകരാജ്യങ്ങൾ നേതാവായി അംഗീകരിക്കുന്നതിനുള്ള തെളിവാണിത്. ആയിരക്കണക്കിന് ജനങ്ങളാണ് ഓരോ രാജ്യത്തും പ്രധാനമന്ത്രി സന്ദർശനത്തിനെത്തുമ്പോൾ കാണാനും അഭിവാദ്യം അർപ്പിക്കാനുമായി തടിച്ചുകൂടുന്നത്.

ലഭിച്ച അന്താരാഷ്ട്ര ബഹുമതികൾ

കമ്പാനിയൻ ഓഫ് ഓർഡർ ഓഫ് ലോഗോഹു: പസഫിക് ദ്വീപ് രാജ്യങ്ങളുടെ ഐക്യത്തിന് വേണ്ടി പോരാടിയതിനും ഗ്ലോബൽ സൗത്തിന്റെ ലക്ഷ്യത്തിന് നേതൃത്വം നൽകിയതിനും 2023 മെയിൽ പാപുവ ന്യൂ ഗിനിയ പരമോന്നത സിവിലിയൻ അവാർഡ് നൽകി.

കമ്പാനിയൻ ഓഫ് ദി ഓർഡർ ഓഫ് ഫിജി: പ്രധാനമന്ത്രി നരേന്ദ്ര മോദിയുടെ ആഗോള നേതൃത്വത്തിനുള്ള അംഗീകാരമായി ഫിജിയുടെ ഏറ്റവും ഉയർന്ന ബഹുമതി

റിപ്പബ്ലിക് ഓഫ് പലാവുവിന്റെ എബക്കൽ അവാർഡ്: പ്രധാനമന്ത്രി നരേന്ദ്ര മോദിക്ക് റിപ്പബ്ലിക് ഓഫ് പലാവുവിലെ പ്രസിഡന്റ് സുരാഞ്ചൽ എസ്. വിപ്സ് ജൂനിയർ ഇബാക്കൽ അവാർഡ് നൽകി

ഓർഡർ ഓഫ് ഡ്രുക്ക് ഗ്യാൽപോ: 2021 ഡിസംബറിൽ ഭൂട്ടാൻ പ്രധാനമന്ത്രി മോദിയെ പരമോന്നത സിവിലിയൻ അലങ്കാരമായ ഓർഡർ ഓഫ് ദി ഡ്രക് ഗ്യാൽപോ നൽകി ആദരിച്ചു.

2020 ൽ യുഎസ് ഗവൺമെന്റിന്റെ ലീജിയൻ ഓഫ് മെറിറ്റ് (മികച്ച സേവനങ്ങളുടെയും നേട്ടങ്ങളുടെയും പ്രകടനത്തിലെ അസാധാരണമായ മെറിറ്റീവ് പെരുമാറ്റത്തിന് നൽകുന്ന യുണൈറ്റഡ് സ്റ്റേറ്റ്‌സ് സായുധ സേനയുടെ അവാർഡ്) ലഭിച്ചു.

കിംഗ് ഹമദ് ഓർഡർ ഓഫ് ദി റിനൈസൻസ് -2019
ഓർഡർ ഓഫ് ദി ഡിസ്റ്റിംഗ്വിഷ്ഡ് റൂൾ ഓഫ് നിഷാൻ ഇസ്സുദ്ദീൻ (വിദേശ പ്രമുഖർക്ക് നൽകുന്ന മാലിദ്വീപിന്റെ പരമോന്നത ബഹുമതി) -2019
ഓർഡർ ഓഫ് സെന്റ് ആൻഡ്രൂ അവാർഡ് (റഷ്യയുടെ ഏറ്റവും ഉയർന്ന സിവിലിയൻ ബഹുമതി) -2019

ഓർഡർ ഓഫ് സായിദ് അവാർഡ് (യുണൈറ്റഡ് അറബ് എമിറേറ്റ്‌സിന്റെ ഏറ്റവും ഉയർന്ന സിവിലിയൻ ബഹുമതി) -2019

ഗ്രാൻഡ് കോളർ ഓഫ് ദി സ്റ്റേറ്റ് ഓഫ് പലസ്തീൻ അവാർഡ് (പലസ്തീന്റെ പരമോന്നത ബഹുമതി വിദേശ രാജ്യങ്ങളിലെ പ്രമുഖർക്ക് നൽകുന്നു) -2018
സ്റ്റേറ്റ് ഓർഡർ ഓഫ് ഗാസി അമീർ അമാനുള്ള ഖാൻ (അഫ്ഗാനിസ്ഥാന്റെ ഏറ്റവും ഉയർന്ന സിവിലിയൻ ബഹുമതി) -2016

ഓർഡർ ഓഫ് അബ്ദുൽ അസീസ് അൽ സൗദ് (സൗദി അറേബ്യയുടെ പരമോന്നത ബഹുമതി) -2016