മുംബൈ: ഷിർദ്ദി സായ്ബാബ ക്ഷേത്രത്തിൽ ദർശനം നടത്തി കേന്ദ്ര പ്രതിരോധ മന്ത്രി രാജ്നാഥ് സിംഗ്. ആരതി പൂജ നടത്തി. മഹാരാഷ്ട്ര മുഖ്യമന്ത്രി ഏക്നാഥ് ഷിൻഡെ, റവന്യൂമന്ത്രി രാധാകൃഷ്ണ വിഖേ പാട്ടീൽ എന്നിവർക്കൊപ്പമായിരുന്നു അദ്ദേഹത്തിന്റെ ക്ഷേത്ര ദർശനം.
സംസ്ഥാനത്ത് വിവിധ പരിപാടികളിൽ പങ്കെടുക്കാൻ എത്തിയത് ആയിരുന്നു അദ്ദേഹം. ഇതിനിടെയായിരുന്നു അദ്ദേഹം ക്ഷേത്രത്തിൽ എത്തിയത്. ആരതി പൂജയ്ക്ക് പുറമേ മറ്റ് പൂജകളും അദ്ദേഹം നടത്തി. ഒരു മണിക്കൂറിലധികം സമയം ക്ഷേത്രത്തിൽ ചിലവഴിച്ച ശേഷം ആയിരുന്നു അദ്ദേഹം മടങ്ങിയത്.
അഹമ്മദ്നഗർ ജില്ലയിലായിരുന്നു രാജ്നാഥ് സിംഗ് പങ്കെടുക്കുന്ന പൊതുപരിപാടികൾ സംഘടിപ്പിച്ചിരുന്നത്. ക്ഷേത്ര ദർശനത്തിന് ശേഷം രാജ്നാഥ് സിംഗും സംഘവും ഇവിടേയ്ക്ക് മടങ്ങി. ആദ്യമായാണ് രാജ്നാഥ് സിംഗ് അഹമ്മദ്നഗർ ജില്ല സന്ദർശിക്കുന്നത്. വിതൽറാവു പാട്ടീലിന്റെ 123ാം ജന്മദിനത്തോട് അനുബന്ധിച്ച് നടന്ന പരിപാടിയിൽ അദ്ദേഹം പങ്കെടുത്തു. കാലാ ഗൗരവ് പുരസ്കാരങ്ങളും രാജ്നാഥ് സിംഗ് വിതരണം ചെയ്തു. രാജ്നാഥ് സിംഗിന്റെ ക്ഷേത്ര ദർശനത്തിന്റെ വീഡിയോ ദൃശ്യങ്ങൾ സമൂഹമാദ്ധ്യമങ്ങളിൽ വ്യാപകമായി പ്രചരിക്കുന്നുണ്ട്.
ഇക്കഴിഞ്ഞ ജൂലൈയിൽ രാഷ്ട്രപതി ദ്രൗപദി മുർമുവും ഷിർദ്ദി സായ്ബാബ ക്ഷേത്രത്തിൽ ദർശനം നടത്തിയിരുന്നു.
Discussion about this post